नेपाल बुद्धिजीवी परिषद्ले भन्यो, ‘बहुमत ल्याएर चुनाव जित्छौं :एमालेमा जनलहर देखेर विपक्षी अत्तालिए’
सीता पौडेल(अर्चना)
काठमाडौं। नेपाल बुद्धिजीवी परिष्दका अध्यक्ष तथा संरक्षक डा. दिनेशचन्द्र देवकोटाले आगामी मंसिर ४ गते हुने प्रतिनिधि सभा र प्रदेश सभा निर्वाचनमा नेकपा एमालेले बहुमत ल्याएर चुनाव जित्ने बताउनु भएको छ ।
नेपाल बुद्धिजीवि परिषद्को प्रचार–प्रसार तथा प्रकाशन विभागले मंगलबार काठमाडौंमा गरेको पत्रकार भेटघाट कार्यक्रममा अध्यक्ष देवकोटाले परिषद्ले गदै आएको सुक्ष्म सर्वेक्षणले नेकपा एमालेले बहुमतकासाथ निर्वाचनमा जित हाँसिल गर्ने देखाएको खुलासा प्रस्तुत गर्नु भयो ।
प्रगतिशिल र बामपन्थी बुद्धिजीवीहरुको साझा संगठन नेपाल बुद्धिजीवि परिषद्ले निर्वाचन नजिकिएसँगै नेकपा एमालेमा जनलहर उर्लिदै गएकाले विपक्षी दलहरु अत्तालिएको बताएको छ ।
कार्यक्रममा परिषदका केन्द्रिय उपाध्यक्ष विद्यान आचार्यले एमालेले अवलम्बन गरेको समाजवाद उन्मुख अर्थतन्त्रको अवधारणलाई नेपाली कांग्रेस र विपक्षी पार्टीले बोक्दै हिंडेकोे र नागरिकले समृद्ध नेपाल, सुखी नेपालीसँगै स्वतन्त्रता, राष्ट्रिय स्वाधीनता,सार्वभौमिकता,स्वाभिमान, जनजिविकाका पक्षमा , समृद्ध नेपाल सुखी नेपाली निर्माण केबल एमालेलेमात्र गर्न सक्छ भन्ने आशा, विश्वास र भरोसा समेत गरेको दावी गर्नु भयो ।
निर्वाचनका बेला डराइरहेका सत्तारुढ गठबन्धन लगायतका विपक्षी दलहरुले देश विकासका लागि नभएर सत्ता हडप्न साम ,दाम दण्डभेद गर्नसमेत पछि नपर्ने आरोप लगाउँदै परिषद्का अर्का केन्द्रय उपाध्यक्ष कविता लुईँटेलले यसप्रति सचेत र जागरुक रहन जरुरी रहेको बताउनु भयो। निर्वाचनलाई स्वतन्त्र ,निष्पक्ष, मर्यादित र भएरहित वातावरणमा सम्मपन्न गराउनु सबैको कर्तव्य रहेको भन्दै उहाँले यसो भए मात्र एमालेको जित सुनिश्चिित रहने दावी गर्नु भयो ।
देशभर करिब ७० हजार सदस्य रहेको एमालेको नेपाल बुद्धिजीवी परिषद्ले माक्र्सवाद र दव्न्दात्मक भौतिकवादी दृष्टिकोणमा आस्था राख्दै पार्टीको सैद्धान्तिक र वैचारिक विकासमा योगदान पु¥याउँदै देश र समाजलाई बदल्न अहंम भूमिक निर्वाह गदै आएको बताएको छ ।
परिषद्ले कतिपय पार्टीहरुले देश र जनताका पक्षमा भन्दा बढी सीमित समुहगत स्वार्थमा अल्झेर देशको राजनीतिलाई अस्थिर बनाउनुका साथै उनिहरुका क्रियाकलापले लोकतन्त्रको उच्चतम अभ्याससँगै नेपाली नागरिकको सामाजिक न्याय सहितको आर्थिक विकास र समृद्धिको यात्रा अवरुद्ध भएको ठहर गरेको बताएको छ ।
क्याटेगोरी : समाचार
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्