भोजपुर विष्फोट अपडेट: विष्फोट गराउने विप्लव कार्यकर्ता आफैँ घाइते

साझा पाना २०७९ कात्तिक ३० गते १६:२३ मा प्रकाशित

काठमाडौं। भोजपुरको तिवारी भञ्ज्याङमा भएको बम विष्फोटमा विप्लव नेतृत्वको नेपाल कम्युनिष्ट पार्टीको संलग्नता रहेको पुष्टि भएको छ ।

गठबन्धनको चुनावी कार्यक्रमस्थल नजिकै वम विष्फोट भएको हो । चुनावीसभामा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ लगायत नेपाली कांग्रेसका नेताहरु सहभागी भएका थिए ।

घाइते हुनेमा विप्लव नेतृत्वको नेकपाका सुमन श्रेष्ठ रहेका छन् । उनी आफैँले गराएको विष्फोटमा घाइते भएका हुन् ।

घाइते भएका सुमनलाई प्रहरीले नियन्त्रणमा लिएको छ ।

क्याटेगोरी : अपराध/सुरक्षा, समाचार
ट्याग : #बम विष्फोट