निर्वाचन आचारसंहिता पालनामा दलहरू जिम्मेवार : इन्सेक
गोरखा । नेपालमा निर्वाचन आचारसंहिता उल्लंघनसम्बन्धी घटना कम हुँदै गएको अनौपचारिक क्षेत्र सेवा केन्द्र(इन्सेक) ले जनाएको छ । राजनैतिक दलहरूले आचारसंहिता पालनामा जिम्मेवारी प्रस्तुत गरेकाले घटनाहरू कम हुँदै गएको इन्सेकका गण्डकी प्रदेश प्रमुख शिव प्रसाद खकुरेलले बताउनुभयो । स्वच्छ, भयरहित र निष्पक्ष निर्वाचन सबैको सरोकार सम्बन्धी पत्रकारहरूसँगको अन्तरक्रिया कार्यक्रममा उहाँले सो कुरा बताउनुभएको हो ।
निर्वाचन आयोगले उम्मेदवारहरूलाई प्रचारप्रसारका लागि निश्चित मापदण्ड तोकेको र सो मापदण्ड उल्लङ्घन गरे तत्काल कारबाही गर्ने, जरिवाना तिराउने तथा उम्मेदवारी नै खारेज गर्ने हुँदा निर्वाचन आचारसंहिता उल्लङ्घनको घटना कम हुँदै गएको उहाँले बताउनुभयो । इन्सेकका टोली गोरखाको पालुङ्टार, गोरखा नगरपालिका लगायतका ठाउँहरूमा पनि स्थलगत अनुगमन गरेको छ ।
सोही कार्यक्रममा इन्सेकले मङ्सिर ४ गतेको निर्वाचनका लागि नेपालभर ८ सय र गण्डकी प्रदेशमा ७६ जना पर्यवेक्षक खटाइएको उहाँले बताउनुभयो । इन्सेकले निर्वाचनअघि, मतदानको दिन र निर्वाचन सम्पन्नपछि गरी तीन चरणमा निर्वाचन गतिविधिको सुपरिवेक्षण गर्ने खकुरेलले बताउनुभयो ।
निर्वाचनलाई स्वच्छ, शान्त भयरहित वातावरणमा सम्पन्न गराउनका लागि राज्यलाई सहयोग गर्न पर्यवेक्षक खटाएको उनको भनाइ छ । पर्यवेक्षकबाट आएको सुझावले आगामी दिनमा निर्वाचनलाई कम खर्चिलो हुने गरी र आचारसंहिता पालना गर्न आयोगलाई धेरै मद्दत पुग्ने पनि उहाँले जानकारी दिनुभयो ।
क्याटेगोरी : समाचार
ट्याग : #निर्वाचन आचारसंहिता पालनामा दलहरू जिम्मेवार : इन्सेक
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्