ट्विटरले हटायो आधा कर्मचारी

साझापाना २०७९ कात्तिक १९ गते १६:०१ मा प्रकाशित

न्युयोर्क । विश्वका धनाढ्य एलन मस्कले लिएपछि ट्विटरले आफ्ना ७ हजार ५ सय कर्मचारी मध्ये आधालाई हटाएको छ ।

कम्पनीले शुक्रवार ५० प्रतिशत कर्मचारी कटौती गरेको समाचार संस्था एएफपीले जनाएको हो ।

मस्कले लागत घटाउनको लागि ट्विटर इंकमा आधा कार्यबल कटौती गर्ने बताउँदै आएका थिए ।

यसअघि ट्विटरका एक मात्र निर्देशक र सिइओ मस्कले आफ्ना अन्य कम्पनीका कर्मचारीहरूलाई सामाजिक सञ्जाल काम गर्न अख्तियार प्रदान गरेको विवरण सार्वजनिक भएको थियो । यसमा टेस्लाका ५० कर्मचारीहरू समावेश छन् ।

मस्कले अक्टोबर २८ मा ट्विटरको ४४ अर्ब डलरमा ट्विटरको स्वामित्व लिएका थिए । स्वामित्वमा लिएपछि मस्कले सामाजिक सञ्जाल कम्पनीलाई आफूले प्रमुख वा सह–स्थापना गरेका कम्पनीहरूको सूचीमा थपेका छन् ।एजेन्सी

क्याटेगोरी : अन्तर्राष्ट्रिय, समाचार
ट्याग : #एलन मस्क, #ट्विटरले हटायो आधा कर्मचारी