काठमाडौं । दशैं सुरु भएसंगै काठमाडौं रित्तिन थालेको छ । । उपत्यकाबाट बाहिरिनेको संख्या बढ्न थालेपछि काठमाडौंका प्रमुख नाकाहरुमा गाडीको चाप बढेको छ ।
घटस्थापनदेखि सुरु भएको दसैँको लागि हरेक दिन करिब १ लाख मानिसले काठमाडौं छाड्ने गरेको ट्राफिक प्रहरीको तथ्याङ्क छ ।
ट्राफिक प्रहरीको आंकलन अनुसार करिब २० लाख मानिस दसैँको लागि उपत्यका छोड्नेछन् । फूलपातीको दिनदेखि नवमीको दिनसम्म दैनिक दुई लाखसम्मले काठमाडौं छोड्ने आकलन गरिएको ट्राफिक कार्यालयका एसएसपी प्रवक्ता राजेन्द्रप्रसाद भट्टले बताए ।
ट्राफिक प्रहरीले उपत्यकाका चारैतिरका नाकामा बाहिरिने यात्रुको रेकर्ड राख्ने गर्दछ । चाबहिल, जगाती, बल्खु, थानकोटलगायत नाकाबाट निजी तथा सार्वजनिक यातायातमा बाहिरिनेको संख्या संकलन गरिन्छ ।

क्याटेगोरी : समाचार
ट्याग : #breaking, #दशैं सुरु भएसंगै काठमाडौंका प्रमुख नाकाहरुमा गाडीको चाप बढ्दो, #प्रमुख नाकाहरुमा गाडीको चाप बढ्दो

---

---

---