पाकिस्तानलाई विश्व बैंकको सहयोग
पाकिस्तानमा आएको विनाशकारी बाढीका कारण धेरै जनधनको क्षति भएको छ । यस भीषण बाढीका कारण पाकिस्तानले विश्वभरका देशहरूसँग आर्थिक सहयोगको लागि अनुरोध गरेको छ ।
यसैबीच, विश्व बैंकले पाकिस्तानमा विनाशकारी बाढीलाई ध्यानमा राख्दै ३२३ अर्ब डलर सहायता प्रदान गर्नेछ । पाकिस्तानको सिन्ध प्रान्तमा आएको बाढीबाट नराम्ररी प्रभावित किसानलाई विश्व बैंकले ३२३ अर्ब डलर सहयोग गर्ने जानकारी दिएको छ ।
सिन्ध प्रान्तका मुख्यमन्त्री सैयद मुराद अली शाहले भने– ‘हामीले केही प्रोत्साहन दिएर हाम्रो बाढी–कृषि उद्योगलाई पुनर्जीवित गर्नुपर्नेछ ।’ उनले भीषण बाढीपछि किसानले खेतीका लागि बीउ र अन्य आवश्यक सामग्री किन्न सक्ने अवस्थामा नरहेको बताए ।
मुख्यमन्त्रीले आगामी रवि फसलको सिजनअघि विध्वंसपछि किसानलाई आफ्नो जग्गा फिर्ता गराउन विश्व बैंकले प्रदेश सरकारलाई ३२३ अर्ब अमेरिकी डलर उपलब्ध गराउने सहमति भएको बताए । द न्युज इन्टरनेशनलका अनुसार बाढीपीडितले सरकारी सहयोग नपाएको भन्दै पाकिस्तान सरकारको पटकपटक आलोचना गरेका थिए ।
मुसलधारे वर्षापछि दक्षिणी पाकिस्तानमा आएको बाढीले कपास बालीमा क्षति पुर्याएको छ र सिन्धका किसानहरूको जीवनमा गम्भीर असर पारेको छ । भीषण बाढीले देशका किसानको हजारौं एकड कृषि जमिन र बगैंचा नष्ट गरेको छ ।
बाढीले क्षति पु¥याएपछि किसानहरु पनि सरकारविरुद्ध सडकमा उत्रिएका छन् । स्वास्थ्य विभागको तथ्यांकअनुसार बाढी प्रभावित क्षेत्रमा २५ लाखभन्दा बढी मानिस सरुवा रोगबाट प्रभावित भएका छन् ।
यसैबीच, विश्व स्वास्थ्य संगठनले पाकिस्तानमा प्रकोपपछि बढ्दो रोग र मृत्युको लहरको सम्भावनाप्रति गहिरो चिन्ता व्यक्त गरेको छ । डब्लुएचओ प्रमुखले अत्यावश्यक स्वास्थ्य सेवा उपलब्ध गराउन छिट्टै काम सुरु गर्न सुझाव पनि दिएका छन् ।
पाकिस्तानमा कीर्तिमानी मनसुन र भारी बाढीले भोकमरी र विभिन्न रोगहरू निम्त्याएको छ । यसले ३३ मिलियन मानिसहरूलाई असर गरेको छ र ३० बिलियन अमेरिकी डलर क्षति भएको अनुमान गरिएको छ । (एजेन्सीको सहयोगमा)
क्याटेगोरी : समाचार
ट्याग : #पाकिस्तानलाई विश्व बैंकको सहयोग
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्