ट्रकले कुल्चेर एक जनाको मृत्यु

साझापाना २०७९ असोज १४ गते १८:०९ मा प्रकाशित

चितवन । नारायणगढ–मुग्लिन सडक खण्डअन्तर्गत भरतपुर महानगरपालिका–२९ सिमलतालमा मोटरसाइकल अनियन्त्रित भई सडकमा खसेका व्यक्तिको ट्रकले कुल्चेर घटनास्थलमा नै मृत्यु भएको छ ।

मृत्यु हुनेमा भरतपुर–२ बस्ने १९ वर्षीय महमद सकिल साह रहेका छन् ।
बिहीबार साँझ ६ः५० बजेको समयमा मुग्लिङबाट नारायणगढतर्फ आइरहेको बागमती प्रदेश ०६–०१ प १९८० नम्बरको मोटरसाइकल अनियन्त्रित भएर पल्टिँदा मोटरसाइकलको पछाडि सवार साह सडकमा खसेका थिए । नारायणगढबाट मुग्लिङतर्फ जाँदै गरेको लु २ ख ५५ नम्बरको ट्रकले सडकमा खसेका साहलाई कुल्चिदा उनको घटनास्थलमा नै मृत्यु भएको जिल्ला प्रहरी कार्यालय चितवनले जनाएको छ ।

क्याटेगोरी : समाचार
ट्याग : #ट्रकले कुल्चेर एक जनाको मृत्यु