समाजसेवी ताराबहादुर कुँवरलाई ‘प्रबल जनसेबा श्री’ पदकबाट विभुषित गरिने

साझा पाना २०७९ असोज ३ गते १३:०५ मा प्रकाशित

माजसेवी ताराबहादुर कुँवर संविधान दिवसका अवसरमा ‘प्रबल जनसेबा श्री’ पदकबाट विभूषितका लागि सिफारिस भएका छन् ।

भुम्लु गाउँपालिका ४, काभ्रेपलाञ्चोक घर भएका कुँवर लामो समयदेखि समाजसेवामा केन्द्रित छन् । उनको परोपकार संस्था नै छ । हजुरलाई नमस्ते ट्रेड लिंकका सञ्चालक रहेका कुँवर त्यहीँ व्यवसायमार्फत हुने नाफा परोपकार संस्थामार्फत समाजसेवामा खर्च गर्छन् ।

उनको परोपकार सामाजिक संस्था काठमाडौँको सितापाइलामा छ । उनले काभ्रेको भुम्लु र अन्य ठाउँमा समाजसेवाको काम गर्दै आएका छन् । उनको परिवार नै परोपकारी परिवार मानिन्छ ।

उनै समाजसेवी कुँवरलाई सरकारले यसपालीको संविधान दिवसका अवसरमा प्रबल जनसेबा श्री पदकबाट विभूषित गर्ने भएको हो ।

क्याटेगोरी : समाचार
ट्याग : #ताराबहादुर कुँवर, #समाजसेवी ताराबहादुर कुँवरलाई ‘प्रबल जनसेबा श्री’ पदकबाट विभुषित गरिने