धनुषामा मोटरसाइकल दुर्घटनामा परी एक जनाको मृत्यु

साझा पाना २०७९ असोज २ गते १७:०१ मा प्रकाशित

जनकपुरधाम । धनुषामा मोटरसाइकल दुर्घटनामा परी एक जनाको मृत्यु भएको छ ।

जिल्लाको छिरेश्वरनाथ नगरपालिका १ रमदैयामा मोटरसाइकल दुर्घटना हुँदा चालकको मृत्यु भएको प्रहरीले जनाएको छ । जनकपुरधामबाट महेन्द्रनगर जाँदै गरेको प्रदेश २–०२–००३ प ५८०१ नम्बरको मोटरसाइकल अनियन्त्रित भई पल्टिएर चालकको मृत्यु भएको थियो ।

दुर्घटनामा जनकपुरधाम उपमहानगरपालिका १६ का ३० वर्षीय माधव श्रेष्ठको मृत्यु भएको धनुषाका प्रहरी नायव उपरीक्षक प्रदीप बहादुर क्षेत्रीले जानकारी दिनुभयो ।

क्याटेगोरी : समाचार
ट्याग : #धनुषामा मोटरसाइकल दुर्घटनामा परी एक जनाको मृत्यु, #मोटरसाइकल दुर्घटना