पछिल्लो २४ घण्टामा थप १२६ जनामा कोरोना भाइरसको संक्रमण पुष्टि

साझापाना २०७९ भदौ ३० गते १८:०८ मा प्रकाशित

काठमाडौं । नेपालमा पछिल्लो २४ घण्टामा थप १२६ जनामा कोरोना भाइरसको संक्रमण पुष्टि भएको छ ।

बितेको २४ घण्टामा देशभर गरिएको ३ हजार ७९० जनाको नमूना परीक्षणबाट १२६ जनामा सङ्क्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार ६७४ जनाको आरटी–पीसीआर गर्दा ७५ जना र २ हजार ११६ जनाको एन्टिजेन परीक्षण गर्दा ५१ जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ९ लाख ९९ हजार १२१ जना पुगेको छ ।

नेपालमा पछिल्लो २४ घण्टामा कोरोना भाइरस संक्रमणका कारण कसैको पनि मृत्यु भएको छैन । पछिल्लो विवरण अनुसार नेपालमा कोरोनाबाट ज्यान गुमाउनेको सङ्ख्या १२ हजार १५ जना छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १३७ जना संक्रमित संक्रमणमुक्त भएका छन् । यो सँगै नेपालमा कोरोना भाइरसको संक्रमणबाट मुक्त हुनेको संख्या ९ लाख ८४ हजार ९७७ जना पुगेको छ । यो कुल संक्रमितको ९८ दशमल ६ प्रतिशत हो ।

अघिल्लो दिन देशभर ४ हजार ८४ जनाको नमूना परीक्षण गर्दा ११९ जनामा संक्रमण पुष्टि भएको थियो भने कोरोना सङ्क्रमणका कारण थप मृत्यु भएको थिएन । उक्त दिन १३० जना संक्रमित संक्रमणमुक्त भएका थिए ।

हाल देशभर सक्रिय संक्रमितको संख्या २ हजार १२९ जना छ । मन्त्रालयका अनुसार हालसम्म नेपालमा ५९ लाख १५ हजार ८९८ जनाको स्वाब (नमूना) परीक्षण गरिएको छ भने अहिले २ हजार १२९ जना आइसोलेसनमा छन् ।

क्याटेगोरी : समाचार, स्वास्थ्य
ट्याग : #कोरोना भाइरसको संक्रमण पुष्टि, #पछिल्लो २४ घण्टामा थप १२६ जनामा कोरोना भाइरसको संक्रमण पुष्टि