Techie IT
मंगलबार, मंसीर २,२०८३

नेपालले सन्तुलित परराष्ट्र नीति अपनाउनुपर्छ: निलाम्बर आचार्य


 

काठमाडौं । संविधानविद् निलाम्बर आचार्य नेपालले सन्तुलित परराष्ट्र नीति अपनाउनुपर्ने बताएका छन् । नेपाल दुई बिशाल राष्ट्रको बीचमा रहेको उल्लेख गर्दै उनले स्वाधीनता, सार्वभौमिकता र स्वाभिमानलाई रक्षा गर्न सन्तुलित परराष्ट्र नीति अपनाउनुपर्ने बताएका हुन्।
एमालेका पोलिटब्यूरो सदस्य आनन्दप्रसाद पोखरेलद्वारा लिखित ‘गन्तव्य समाजवाद’ को लोकापर्ण कार्यक्रममा बोल्दै आचार्यले स्वाधीनता र राष्ट्रियता रक्षाको लागि एमालेले राम्रो काम गरेको दाबी गरे । सीमा विवाद, कालापानी र लिम्पियाधुरालाई नेपालको नक्सामा समावेश गर्ने कुरा एमाले र केपी ओलीले खेलेको भूमीका सराहनीय रहेको तर्क गरे ।

हामी दुईवटा छिमेकी राष्ट्रको बीचमा छौं । हामीले सन्तुलित परराष्ट्र नीति अपनाउनु पर्छ । हाम्रो स्वाधीनता, हाम्रो सार्वभौमिकता, हाम्रो स्वाभिमानलाई रक्षा गर्नुपर्छ । यस मानेमा एमालेले राम्रो काम गरेको छ । स्वाधीनताको, राष्ट्रियताको सन्दर्भमा चाँहे सीमा विवाद, कालापानी, लिम्पियाधुरालाई नेपालको नक्सामा समावेश गर्ने कुरा यसमा एमालेले खेलेको भूमीका, केपी ओलीले खेलेको भूमीका सराहनीय छ ।
उनले संविधानपछिको नाकाबन्दीको विरुद्ध पनि एमालेले राम्रो काम गरेको स्मरण गरे ।


क्याटेगोरी : समाचार
ट्याग : #निलाम्बर आचार्य


तपाईको कमेन्ट लेख्नुहोस्