काठमाडौं । कमल थापाले ‘गाई’ निर्वाचन चिन्ह नपाउने  भएका छन ।  अध्यक्ष कमल थापाले गाई निर्वाचन चिन्ह पाउनुपर्ने माग राखी  सर्वोच्च अदालतमा दिएको निवेदन खारेज भएको हो ।

सर्वोच्च अदालतले उनले दर्ता गरेको रिट निवेदन खारेज हुने आदेश गरेको हो ।

न्यायाधीशद्वय कुमार रेग्मी र तिलप्रसाद श्रेष्ठको यो आदेशसँगै उनलाई गाई निर्वाचन चिन्ह नदिने भनी निर्वाचन आयोगले गरेको निर्णय यथावत रहने भएको छ ।

राष्ट्रिय पहिचान भएका चिन्ह, जनावर र पंक्षी जनिने चिन्हहरु कुनैपनि दललाई निर्वाचन चिन्हका रुपमा प्रदान नगरिने भनी निर्वाचन आयोगले निर्णय गरेको थियो । आयोगको निर्णय विरुद्ध राप्रपा नेपाल सर्वोच्च अदालत गएको थियो ।

क्याटेगोरी : राजनीति, समाचार
ट्याग : #hot, #कमल थापाले ‘गाई’ निर्वाचन चिन्ह नपाउने

---

---

---