राष्ट्रपतिद्वारा स्वास्थ्य क्षेत्रमा योगदान पुर्याउने महिला चिकित्सकहरूलाई सम्मान
काठमाडौँ । राष्ट्रपति विद्यादेवी भण्डारीले नेपालको चिकित्सा तथा स्वास्थ्य सेवाको क्षेत्रमा महत्त्वपूर्ण योगदान पुर्याउनुभएका महिला चिकित्सकहरूलाई सम्मान पत्रसहित सम्मानित गर्नुभएको छ ।
नेपाल चिकित्सक सङ्घले आज राष्ट्रपतिको कार्यालय शितल निवासमा आयोजना गरेको कार्यक्रममा राष्ट्रपति भण्डारीले ओमन इन मेडिसिन लाइफटाईम एचिभमेण्ट अवार्डबाट ५ जना र ओमन इन मेडिसिन अवार्डबाट १० जना महिला चिकित्सक गरी १५ जनालाई सम्मान पत्रसहित सम्मानित गर्नुभएको हो ।
ओमन इन मेडिसिन लाइफटाईम एचिभमेण्ट अवार्डबाट सम्मानित हुनुहुने पाँच जना महिला चिकित्सकमा डा. विमला ओझा, डा.नारायणी श्रेष्ठ, डा.रेवा श्रेष्ठ, डा.गीता बस्न्यात र डा.ओम शाह बिष्ट रहनुभएको छ ।
यस्तै, ओमन इन मेडिसिन अवार्डबाट सम्मानित हुनुहुने १० जना महिला चिकित्सकमा डा. आस्मा राणा, डा.बसुदा खनाल, डा.कमला बुढाथोकी, डा.लक्ष्मीनानी श्रेष्ठ, डा. मिरा मल्ल, डा.मिथिला शर्मा अधिकारी, डा.रोशना अमात्य, डा.स्वराज राजभण्डारी, डा.तिर्था राना र डा.उषा शाह रहनुभएको छ ।
सम्मान कार्यक्रममा नेपाल चिकित्सक संघका अध्यक्ष डा.लोचन कार्कीले कोभिड–१९ होस् वा भूकम्प पछिको समय होस्, जस्तोसुकै जोखिमपूर्ण अवस्थामा पनि चिकित्सकहरूले खेल्दै आएको भूमिका निकै महत्त्वपूर्ण रहेको बताउनुभयो ।
कार्यक्रममा नेपाल चिकित्सक संघका पूर्व अध्यक्ष डा.केदारनरसिंह के.सी., सम्मानित चिकित्सकहरू मध्येबाट डा.स्वराज राजभण्डारी लगायतले नेपालको दुर्दराजमा रही सेवा पुर्याउनुभएका महिला चिकित्सकहरूको राष्ट्रपतिबाट पाएको सम्मानले भावी पुस्तालाई समेत उत्साहित बनाउने काम गरेको बताउनुभयो ।
क्याटेगोरी : समाचार, स्वास्थ्य
ट्याग : #राष्ट्रपति, #विद्यादेवी भण्डारी
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्