अमेरिका । अमेरिकाको टेक्सास राज्यको ह्युस्टनमा एउटा अपार्टमेन्ट भवनबाट निष्कासन गरिएको एक व्यक्तिले भाडामा बस्ने अन्य ५ जनालाई गोली हानेको प्रहरीले जनाएको छ । ती मध्ये तीनजनाको मृत्यु भएको छ ।
आइतवार बिहान घरमा आगो लगाएपछि भाडामा बस्नेहरु घरबाहिर निस्कन बाध्य भएका थिए । उनीहरु घरबाहिर निस्केपछि उक्त व्यक्तिले गोली चलाएको जनाइएको छ । प्रहरीले बन्दुकधारीलाई पनि गोली हानेर मारेका छन् ।
घटना आइतबार बिहान दक्षिणपश्चिम ह्युस्टनको मिश्रित औद्योगिक आवासीय क्षेत्रमा भएको थियो। प्रहरी प्रमुख ट्रोय फिनरले आगलागीको रिपोर्टपछि अपार्टमेन्ट हाउसमा प्रहरी र दमकल टोलीले पुगेको बताएका छन् ।
बन्दुकधारीले घरबाट निस्केका भाडामा बस्नेहरूमाथि गोली चलाउँदा दुई जनाको घटनास्थलमै र एक जनाको अस्पतालमा मृत्यु भएको हो । दमकल टोलीले अन्य दुई जना घाइते पुरुषहरूलाई उद्धार गरेको थियो, जसलाई अस्पताल भर्ना गरिएको थियो ।

उक्त घरका बासिन्दा रोबिन अहरेन्स ह्युस्टनको अपार्टमेन्टमा भएको घातक गोलीकाण्डपछि । कसैको पनि पहिचान सार्वजनिक गरिएको छैन । अग्नी नियन्त्रकहरुले आगो निभाइरहँदा बन्दुकधारीले गोली चलाएपनि कुनै अग्नि नियन्त्रक वा प्रहरी अधिकारीहरू घाइते भएका छैनन् ।
आफूले ३२ वर्षमा पहिले नदेखेको चीजहरू अहिले देखिरहेको बताउँदै फिनरले समुदायलाई एकजुट हुन अनुरोध गरेका छन् । छिमेकी रोबिन एहरेन्सले सुरुमा पटाका जस्तो ठानेको बताएका छन् ।
कोलोन क्यान्सर भएको बन्दुकधारीले कैयन महिनादेखि भाडा तिरेको थिएन । साथै बेरोजगार समेत थियो । हालै उसलाई अपार्टमेन्टबाट निष्कासन गरिएको थियो ।

थप समाचार

जेठ ७ गतेदेखि टुँडिखेलमा सिप मेला २०८२ सुरु गरेर २…

संसद्‍मा उठ्यो अख्तियारले माधव नेपालको बयान लिएको विषय

एमाले धनुषाको अधिवेशन तनावग्रस्त, बाक्लो संख्यामा प्रहरी परिचालन

‘सुधार’को नाममा यातना, पटक–पटक हुन्छ निर्घात कुटपिटको घटना