क्षणभरमै ढालियो इन्डियाका ‘ट्वीन टावर’
नयाँ दिल्ली । भारतको नोयडामा कानुन विपरीत निर्माण गरिएका दुईवटा टावर क्षणभरमै भत्काइएको छ ।
सुपरटेक बिल्डरले निर्माण गरेका यी टावर एपेक्स र केयन नामबाट चिनिएका थिए ।
यो सँगै अब भारतको नोएडाको सेक्टर ९३ ए मा रहेको ट्विन टावर अब इतिहास बनेको छ । दुबै भवन विष्फोटबाट ध्वस्त पारिएका छन् । यसबाट भ्रष्टाचारविरुद्धको एक दशक लामो सङ्घर्षको विजय भएको चर्चा भारतीय मिडियाहरूले गरेका छन् ।
भवनमा राखिएको विष्फोटक पदार्थ बटन थिच्दा भएको विस्फोटले ‘वाटर स्प्रिङ’ झैं भवन खसेपछि आकाशमा धुलोको बादल मडारिएको थियो ।
‘वाटरफल इम्प्लोसन’ प्रविधि प्रयोग गरेर १५ सेकेन्डभन्दा कम समयमै टावरहरू भत्काइएको थियो । अहिले कतैबाट पनि क्षतिको खबर आएको छैन । धुलो सफा गरेपछि मात्र वरपरका भवनको जाँच गरी क्षति भए नभएको थाहा हुनेछ ।
यी भवनहरू पहिले नै खाली गरिसकेका थिए । वरपरका सडकहरू पनि पूर्ण रूपमा बन्द भएका थिए र लकडाउनपछि पहिलो पटक यस क्षेत्रमा यस्तो सन्नाटा देखिएको थियो । नोएडा एक्सप्रेसवेमा ट्राफिक पनि निलम्बन गरिएको थियो ।
अर्बौंको लागतमा बनेको ट्वीन टावर किन भत्काइयो ?
सुपरटेकले ट्विन टावर बनाउन २०० करोड रुपैयाँ खर्च गरेको थियो र ८०० करोड रुपैयाँ कमाउने अपेक्षा गरेको थियो । दुईमध्ये एउटा भवन एक सय मिटर र अर्को ९७ मिटर अग्ला छन् । उनीहरूको नाम एपेक्स र सियान राखिएको थियो ।
गत वर्ष यही समयमा भारतको सर्वोच्च अदालतले मापदण्ड मिचेर बनाइएका ती ४० तले दुइटा भवन भत्काउन आदेश दिएको थियो । न्यायाधीशद्वय डि वाई चन्द्रचुद र एम आर साहको संयुक्त इजलासले सुपरटेक लिमिटेड ग्रुपकै खर्चमा भवन भत्काउन आदेश दिएको हो ।
यसअघि सन् २०१४ मा अलाहवाद उच्च अदालतले पनि ती दुई भवन भत्काउन आदेश दिएको थियो । उक्त आदेशविरूद्ध भवन बनाउने कम्पनी सुपरटेक सर्वोच्च अदालत गरेको थियो । सर्वोच्चले सरकारी अधिकारीहरूसँगको मिलेमतोमा मापदण्ड मिचेर बनाइएका भवन भत्काउने अलाहवाद अदालतको आदेशलाई सदर गरेको हो ।
सर्वोच्चले ती भवनमा फ्ल्याट किनेका मानिसहरूलाई वार्षिक १२ प्रतिशत ब्याज जोडेर रकम फिर्ता गर्न पनि आदेश दिएको छ । ती दुई टावरमा झन्डै ८५० फ्ल्याट थिए । सुपरटेकको अवैधानिक निर्माणविरूद्ध मुद्दा लडेको रेसिडेन्ट्स वेलफेयर एसोसियसनलाई २ करोड भारु तिर्न पनि अदालतले भनेको छ ।
सुपरटेको एमराल्ड कोर्ट प्रोजेक्टअन्तर्गत ती दुई भवनहरू बनाइएका थिए । उक्त प्रोजेक्टअन्तर्गत उक्त कम्पनीले नजिकै अरू पनि भवनहरू पनि बनाएको थियो । ती भवनमा फ्ल्याट किनेकाहरूले सुरूको योजनामा हुँदै नभएका दुई नयाँ भवन पछि बनाइएको र तिनले आफ्नो घरमा आउने प्रकाश र हावा छेक्ने भन्दै मुद्दा हालेका थिए ।
क्याटेगोरी : समाचार
ट्याग : #क्षणभरमै ढालियो इन्डियाका ‘ट्वीन टावर’
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्