अनेरास्ववियुले खाेलेकाे त्रिविको ताला, नेविसंघले फेरि लगायो

साझा पाना २०७९ भदौ १२ गते १९:०९ मा प्रकाशित

काठमाडौं । त्रिभुवन विश्वविद्यालयमा ४९ दिनदेखि लागेको तालाबन्दी खोल्ने वित्तिकै नेपाल विद्यार्थी संघले फेरि लगाएको छ ।

आइतबार विश्वविद्यालयका उपकुलपति धर्मकान्त बाँस्कोटाले पत्रकार सम्मेलन गर्न खोज्दा नेपाल विद्यार्थी संघको एक समूहले अवरोध गरेका थिए । त्यस पछि नेकपा एमालेको विद्यार्थी संगठन अनेरास्ववियुले नारावाजी गर्‍यो ।

प्रहरी सुरक्षाका बीच बाँस्कोटाले पत्रकार सम्मेलन गरे, त्यसपछि विभिन्न कार्यालयमा लगाइएको ताला खुलेको थियो ।

त्रिवि अनेरास्ववियुका अध्यक्ष शम्भु भट्टका अनुसार सुरक्षाकर्मी र स्थानीयको रोहबरमा तालाबन्दी खोलिएको थियो । त्यस पछि नेविसंघले फेरि लगाएकाे हो ।

क्याटेगोरी : समाचार
ट्याग : #अनेरास्ववियु, #अनेरास्ववियुले खाेलेकाे त्रिविको ताला, #नेविसंघले फेरि लगायो