गएराति देखिको झरीले मधेश प्रदेशका किसानलाई राहत
जनकपुरधाम । गएराति देखि परेको झरीका कारणले मधेश प्रदेशमा थोरै भएपनि किसानहरूलाई राहत मिलेको छ । झरीका कारणले सुक्न थालेको धानबालीलाई थोरै भएपनि बचाऊँ गरेको जनकपुरधाम वडा नंं ८ का किसान रामचन्द्र उपाध्यायले बताउनुभयो ।
करिब डेढ बिघामा धानको रोपाई गरेर दुई पटक दुग्धमति नदिबाट दमकल लगाएर सिँचाई गरेपनि खेल निक्कै सुख्खा भएका कारणले सुक्ने गरेको बताउनु भयो । गए राति र आज दिउँसोसम्म भएको झरीका कारणले सुक्न थालेको धानको प्राण रक्षा गर्न मद्दत पुगेको अर्का किसान रघुवीर रायले जानकारी दिनुभयो ।
लामो समयसम्म मधेश प्रदेशका जिल्लाहरूमा पानी नपरेका कारणले किसानहरू निक्कै चिन्तित बनेका थिए । दुःख गरेर रोपिएको धान खेतमा चिरा परेर धान सुक्न थालेका थिए । गएराति देखिको वर्षाले खेतमा पानी नजमेपनि किसानलाई ठूलो राहत मिलेको छ । यसले सुक्न थालेको धानलाई रक्षा गर्ने भएको छ ।
मधेश प्रदेशका अधिकांश जिल्लाहरूमा लामो समयसम्म वर्षा नभएका कारणले किसानहरू निक्कै चिन्तित बनेका थिए । सिँचाइको वैकल्पिक माध्यमले खेतमा पानी पठाए पनि टिक्न कठिन भएका वेलामा गएराति देखिको झरीले किसानहरू खुशी भएका छन् ।
मधेश प्रदेशका ८ जिल्ला किसानहरूले भदौको पहिलो सातासम्ममा ९५ प्रतिशत क्षेत्रफलमा धान रोपाई गरिसकेको मधेश प्रदेशका भूमि व्यवस्था, कृषि तथा सहकारी मन्त्रालयका सूचना अधिकारी मनिस कुमार पालले जानकारी दिनु भएको छ । कुनै पनि वर्ष शत प्रतिशतमा रोपाई नहुने गरेको सूचना अधिकारी पालले जानकारी दिनु भयो ।
मधेश प्रदेशका जिल्लाहरूमा कूल कृषि योग्य भूमि मध्ये ४ लाख ५ हजार ४ सय ५० हेक्टर क्षेत्रफलमा धान खेती हुने गरेको मन्त्रालयले उपलब्ध गरेको तथ्याङ्कमा उल्लेख रहेको छ । मधेश प्रदेशको प्रमुख खाद्यान्न बालीको रुपमा धान नै रहेको खाद्य तथा पोषण सुरक्षा सुधार आयोजना क्लष्टर इकाई धनुषाका प्रमुख वरिष्ठ कृषि विकास अधिकृत सुकेश्वर झाले जानकारी दिनु भयो ।
क्याटेगोरी : समाचार
ट्याग : #गएराति देखिको झरीले मधेश प्रदेशका किसानलाई राहत
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्