काठमाडौँ महानगर प्रहरी बलको प्रमुखमा पाण्डे

साझापाना २०७९ भदौ ६ गते १०:४१ मा प्रकाशित

काठमाडौँ । काठमाडौँ महानगरपालिका नगर प्रहरी बलको प्रमुखमा नगर प्रहरी उपरीक्षक राजुनाथ पाण्डेले कार्यभार सम्हाल्नु भएको छ । भदौ २ गतेको निर्णयअनुसार उहाँले हिजो (भदौ ५ गतेबाट) पदबहाली गर्नुभएको हो ।

पदबहाली लगत्तै उहाँले सहरी सुव्यवस्थापनका लागि नगर प्रहरीहरुलाई व्रिफिङ् गर्नुभएको थियो ।

पाण्डे २०५० सालमा नगर प्रहरी सेवामा प्रवेश गर्नुभएको हो ।

२०७७ सालमा उहाँको नगर प्रहरी नायव उपरीक्षकबाट नगर प्रहरी उपरीक्षकमा पदोन्नति भएको थियो ।

२०७७ फागुन ४ गते बसेको विशेष नगर सभाबाट पारित भएको ‘काठमाडौं महानगरपालिका कर्मचारी समायोजन ऐन — २०७७’ को व्यवस्थाबाट समायोजन हुने क्रममा उहाँको पदोन्नति भएको हो । त्यस ऐनबाट महानगरमा कार्यरत १५ सय ५० कर्मचारीहरुको १ तह माथिको पदमा समायोजन भएको थियो ।

क्याटेगोरी : अपराध/सुरक्षा, समाचार
ट्याग : #काठमाडौँ महानगर प्रहरी बलको प्रमुखमा पाण्डे, #काठमाडौँं महानगरपालिका, #काठमाडौँ महानगरपालिका नगर प्रहरी बल