जम्मू कश्मीरमा सेनाको क्याम्प नजिकै चरमपन्थी आक्रमण, तीन सैनिकसहित ५ जनाको मृत्यु

साझा पाना २०७९ साउन २६ गते १२:३९ मा प्रकाशित

जम्मु कश्मीरको राजौरी जिल्लाको दारहल क्षेत्रमा आज बिहान भारतीय सेनाको क्याम्पकै नजिक सुरक्षा बल र चरमपन्थीबीच भिडन्त भएको छ । सेनाका एक वरिष्ठ अधिकारीका अनुसार यस भिडन्तमा तीन भारतीय सैनिकको मृत्यु भएको छ भने दुई चरमपन्थीको पनि मृत्यु भएको छ ।

अर्को तर्फ, जम्मुका अतिरिक्त प्रहरी महानिदेशक मुकेश सिंहले लिखित बयान जारी गर्दै आक्रमणमा दुई चरमपन्थीको मृत्यु भएको पुष्टि गरेका छन् । मुकेश सिंहले आफ्नो बयानमा दारहाल प्रहरी चौकीबाट करिब ६ किलोमिटर टाढा रहेको सेनाको क्याम्प रहेको बताएका छन् ।
घटनास्थलमा पठाइएको थप सुरक्षा बल र क्षेत्रमा खोजी कार्य जारी छ ।

क्याटेगोरी : अन्तर्राष्ट्रिय, समाचार
ट्याग : #जम्मु कश्मीर, #जम्मू कश्मीरमा सेनाको क्याम्प नजिकै चरमपन्थी आक्रमण