काठमाडौं । नेकपा एमालेका उपमहासचिव एवम् पूर्व परराष्ट्रमन्त्री प्रदीप ज्ञवालीले आगामी मंसिर ४ गते हुने प्रचिनिधि सभा र प्रदेश सभा निर्वाचनका लागि नेकपा एमालेलाई कुनै गठबन्धनको आवश्यकता नरहेको बताएका छन् ।

मुलुकमा नेकपा एमाले सबैभन्दा बलियो पार्टीका रूपमा रहेको जिकिर गर्दै उनले गठबन्धनको नाममा कुनै वैशाखी आवश्यक नरहेको बताएका हुन् । ‘कमजोर शक्तिले मात्रै गठबन्धन गर्ने हो । गठबन्धन सामर्थ्यको प्रतीक होइन । बलियोलाई वैशाखीको आवश्यकता पर्दैन,’ दल दर्तापछि पत्रकारहरूसँग कुरा गर्दै नेता ज्ञवालीले भने ।

एमालेले आगामी प्रतिनिधिसभा तथा प्रदेशसभा निर्वाचनका निम्ति आज मंगलबार दल दर्ता गरेको छ । निर्वाचन आयोगमा पुगेर एमालेले १०औं नम्बरमा दल दर्ता गराएको हो ।

अध्यक्ष केपी शर्मा ओलीको हस्ताक्षरसहितको पत्र लिएर महासचिव शंकर पोखरेल, उपमहासचिवद्वय प्रदीप ज्ञवाली र विष्णु रिमाल तथा नेता कृष्णगोपाल श्रेष्ठलगायत दल दर्ताका निम्ति निर्वाचन आयोगको कार्यालयमा पुगेका थिए ।

क्याटेगोरी : राजनीति, समाचार
ट्याग : #breaking, #प्रदीप ज्ञवाली

---

---

---