छैटौं अन्तर्राष्ट्रिय महिला उद्यमी व्यापार मेला हुने
काठमाडौं । महिला उद्यमी महासंघको आयोजनामा छैटौं अन्तर्राष्ट्रिय महिला उद्यमी व्यापार मेला २०७९ हुने भएको छ । भदौ २ गतेदेखि ६ गतेसम्म ललितपुरको सानेपा हेरिटेज गार्डेनमा मेला हुने महासंघले आइतबार काठमाडौंमा पत्रकार सम्मेलन गरी जानकारी दिएको छ ।
महिला उद्यमी महासंघकी अध्यक्ष निरु रायमाझी खत्रीले छरिएर रहेका महिला उद्यमीलाई एउटै स्थानमा ल्याएर बजार व्यवस्थापनमात्रै नभई व्यवसाय सञ्जाल बढाउने उद्देश्यले मेला गर्न लागिएको बताउनुभयो । मेलामा सातै प्रदेशका महिला उद्यमी सहभागी हुने पनि उहाँले जानकारी दिनुभयो ।
छैटौँ अन्तर्राष्ट्रिय महिला उद्यमी व्यापार मेलाकी संयोजक शोभा ज्ञवालीले मेलामा जिल्लास्तरदेखि अन्तर्राष्ट्रिय महिलाले उत्पादन गरेका सामग्री पनि रहने बताउनुभयो । मेलाले उद्यमी महिलाको सीप र सिर्जनालाई अन्तर्राष्ट्रिय बजारसम्म पु¥याउने उहाँको भनाइ छ ।
आयोजकका अनुसार मेलामा नेपाली महिला उद्यमीका साथै भारत, पाकिस्तान, बंगलादेशका महिला उद्यमी गरी एक सय नौ स्टल रहनेछन् । मेलामा हस्तकला सामानमा प्राकृतिक रेशाजन्य वस्तु, ढाका तथा घरबुना सामान, कागजका वस्तु, पुष्प सामग्री, जडीबुटी, गरगहना र सजावट सामान रहने बताइएको छ । मेलालाई नेपाल सरकार, युरोपियन युनियन, अन्तर्राष्ट्रिय व्यापार केन्द्र, फिन चर्च एड, एसिया फाउन्डेसन, कृषि विकास बैंकलगायतले सहयोग गर्ने भएका छन् ।
क्याटेगोरी : समाचार
ट्याग : #छैटौं अन्तर्राष्ट्रिय महिला उद्यमी व्यापार मेला हुने, #महिला उद्यमी महासंघ
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्