प्रचण्डद्वारा जापानको हिरोसिमा शहरस्थित संग्रहालयमा अवलोकन

साझापाना २०७९ साउन २२ गते १४:३७ मा प्रकाशित

काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले जापानको हिरोसिमा शहरस्थित संग्रहालयको अवलोकन गरेका छन् । पाँच दिने भ्रमणका लागि जापान गएका प्रचण्डले आणविक बम खसेको हिरोसिमा शहरस्थित संग्रहालयको अवलोकन गरेको प्रचण्डको सचिवालयले जनाएको छ ।

नेपाली जनप्रगतिशील मञ्चको निम्तोमा शुक्रबार राती जापान उडेका थिए । उनलाई टोकियोस्थित नारिता अन्तर्राष्ट्रिय विमानस्थलमा अवतरण गरेका प्रचण्डलाई नेपाली राजदूत दुर्गाबहादुर सुवेदीले स्वागत गरेका थिए ।
प्रचण्ड शनिबार जापानको फुकुओकामा आयोजित नेपाल फेस्टिभल, २०२२ मा पनि सहभागि भएका थिए ।