हत्यामा संलग्न रहेको आरोपमा दुई जना पक्राउ

साझा पाना २०७९ साउन १९ गते १५:०३ मा प्रकाशित

सर्लाही । सर्लाहीको हरिपुर्वा नगरपालिका–३ बस्ने १९ वर्षीय शुसिल रायको हत्या भएको घटनामा संलग्न रहेको आरोपमा प्रहरीले २ जनालाई पक्राउ गरेको छ । पक्राउ पर्नेहरूमा हरिपुर्वा नगरपालिका– ३ धनकौल बस्ने १९ वर्षीय कृष्ण भन्ने विश्वजित यादव र सोही ठाउँ बस्ने १८ वर्षीय किशोर रहेका छन् ।

साउन १३ गते बेलुकाबाट हराइरहेका रायको सोही ठाउँमा रहेको राष्ट्रिय आधारभुत विद्यालयको शौचालयको सेफ्टी ट्यांकीमा शव फेला परेको थियो । प्रहरीले रायकोे धारिलो हतियार प्रहार गरी हत्या भएको पुष्टि गरेको थियो । घटनामा संलग्न उनीहरूलाई जिल्ला प्रहरी कार्यालय सर्लाहीबाट खटिएको प्रहरी टोलीले पक्राउ गरेको हो ।
उनीहरु माथि कर्तव्य ज्यान मुद्दामा अदालतबाट म्याद थप गरी अनुसन्धान भईरहेको प्रहरीले जनाएको छ ।

क्याटेगोरी : अपराध/सुरक्षा, समाचार
ट्याग : #हत्यामा संलग्न रहेको आरोपमा दुई जना पक्राउ