आन्तरिक राजश्व कार्यालय भद्रपुरको राजश्व सङ्कलन ४ अर्ब १६ करोड
भद्रपुर, झापा । आन्तरिक राजस्व कार्यालय भद्रपुरले आर्थिक वर्ष २०७८/०७९ मा चार अर्बभन्दा बढी राजश्व सङ्कलन गरेको छ ।
कार्यालयले ४ अर्ब १६ करोड ९५ लाख ७४ हजार रुपैयाँ राजश्व सङ्कलन गरेको कार्यालयका प्रमुख कर अधिकृत शुभप्रसाद रिजालले जानकारी दिनुभयो । यो लक्ष्यको ९८ प्रतिशत हो । कार्यालयले ४ अर्ब २४ करोड ७४ लाख ६९ हजार राजश्व सङ्कलनको लक्ष्य पाएको थियो ।
कार्यालयअन्तर्गत इलाम र फिदिममा समेत करदाता सेवा कार्यालय सञ्चालन हुँदै आएको छ । भद्रपुर कार्यालयबाट ३ अर्ब ७ करोड १६ लाख ३५ हजार, इलाम सेवा कार्यालयमार्फत ५६ करोड ८९ लाख ६८ हजार र फिदिम सेवा कार्यालयमार्फत ५२ करोड ८९ लाख ७० हजार गरी कुल ४ अर्ब १६ करोड ९५ लाख ७४ हजार रुपैयाँ राजश्व सङ्कलन भएको हो ।
कार्यालयले आयकरबापत २ अर्ब ८७ करोड ३१ लाख ५८ हजार, बहाल करबापत ४ करोड २० लाख ४४ हजार, ब्याज करबापत ६ करोड ५८ लाख ८१ हजार, मूल्य अभिवृद्धि करबापत १ अर्ब ७० करोड ७ लाख १० हजार, अन्तःशुल्कबापत ४८ करोड ७८ लाख ८४ हजार र शिक्षा सेवा शुल्कबापत ९७ हजार रुपैयाँ सङ्कलन गरेको छ ।
स्वास्थ्य सेवाबापत १० लाख ९० हजार ६९० रुपैयाँ राजश्व रुपैयाँ सङ्कलनको लक्ष्य पाए पनि कर सङ्कलन शून्य रहेको छ । अघिल्लो वर्ष कोरोना भाइरसको महामारीका कारण राजस्व असुलीमा कमी आए पनि यो वर्ष बढेको प्रमुख कर अधिकृत रिजालले बताउनु भयो ।
क्याटेगोरी : समाचार
ट्याग : #आन्तरिक राजश्व कार्यालय भद्रपुरको राजश्व सङ्कलन ४ अर्ब १६ करोड, #आन्तरिक राजस्व कार्यालय भद्रपुर
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्