काठमाडौँ — सरकारले विभिन्न स्थानीय तहका प्रमुख प्रशासकीय अधिकृतहरू हेरफेर गरेको छ । स्थानीय तह निर्वाचनबाट नयाँ जनप्रतिनिधिहरू आएपछि उनीहरूको अनुकुल हुने गरी सत्तारुढ गठबन्धनले कर्मचारीको सरुवा गरेको हो ।

संघीय मामिला तथा सामान्य प्रशासन मन्त्रालयको बुधबारको निणर्यले सामान्य प्रशासन समूहको राजपत्राङ्कित द्वितीय श्रेणीका ३४ जना उपसचिव र ५९ जना शाखा अधिकृत कर्मचारीहरूको सरुवा गरेको हो ।
उपसचिवमध्ये १५ जना नगरपालिकाका प्रमुख प्रशासकीय अधिकृत छन् भने नगरपालिकामा प्रमुख प्रशासकीय अधिकृत रहेका ७ जना अन्य निकायमा सरुवा भएका छन् । त्यस्तै, १२ वटा गाउँपालिकामा प्रमुख प्रशासकीय अधिकृतहरू फेरिएका छन् ।

यस्तै तारकेश्वर नगरपालिकाका अनुभवी प्रशासकका रुपमा कहलीयका शिव प्रसाद लम्साल काभ्रेको नमबुद्ध नगरपालिकामा सरुवा हुनुभएको छ भने नयाँ प्रशासकीय अधिकृतका रुपमा नेत्र प्रसाद घिमिरेले जिम्मेवारी सम्हाल्नुभएको छ ।

सङ्घीय मामिला तथा सामान्य मन्त्रालयबाट सरुवा भई आउनुभएका घिमिरे तथा बिदाभई जानु भएका लम्साललाई शुक्राबार तारकेश्वर नगरपालिकाका मेयर कृष्णहरि महर्जन , उपमेयर श्रृजना बुर्लाकोटी , कर्मचारी , जनप्रतीनिधिहरुको उपस्थीतीमा स्वागत तथा बिधाई कार्यक्रम गरिएको थियो ।

क्याटेगोरी : समाचार
ट्याग : #hot, #तारकेश्वरको नयाँ प्रमुख प्रशासकीय अधिकृतमा घिमिरे

---

---

---