चोरीको मोटरसाईकल तथा लागू औषधसहित दुई जना पक्राउ

प्रनिश थापा चितवन संवाददाता २०७९ साउन १३ गते १८:३१ मा प्रकाशित

चितवन । चोरी भएको मोटरसाईकल तथा लागू औषधसहित दुई जनालाई चितवन प्रहरीले पक्राउ गरेको छ । पक्राउ पर्नेहरूमा भरतपुर महानगरपालिका ११ बस्ने २२ बर्षीया सुमन गुरुङ र २१ बर्षीया विबेक थापा रहेका छन् ।

उनीहरुले कञ्चनपुर बेलौरी नगरपालिका २ घर भई हाल भरतपुर महानगरपालिका ५ बस्ने प्रशान्त बुढाथोकीले घरको कम्पाउन्डमा पार्किङ गरी राखिएको प्रदेश ०३-०२८ प ४९३८ नंम्बरको केटिएम ड्युक मोटरसाईकल चोरी गरेका थिए ।

घर अगाडि कम्पाउन्डबाटै मोटरसाइकल चोरी भएपछि बुढाथोकीले जिल्ला प्रहरी कार्यालयमा निवेदन बैशाख २६ गते निवेदन दिएपछि प्रहरीले नम्बर परिवर्तन गरी प्रदेश ३-००३ प ५८९० को प्लेट लगाई चलाएको अवस्थामा भरतपुर २ स्थित सडकबाट उनीहरुलाई मोटरसाइकल र लागूऔषध सहित नियन्त्रणमा लिइएको हो ।

पक्राउ परेका मध्य विबेक थापाको साथबाट प्रहरीले लागुऔषध फेनारगन ५ एम्पुल, डाईजेपाम ५ एम्पुल र नुर्फिन ५ एम्पुल गरी जम्मा १५ एम्पुल समेत फेला पारेको छ ।

उनीहरु विरुद्ध प्रहरीले लागूऔषध तथा चोरी मुद्दामा आज (शुक्रबार) सम्मानित चितवन जिल्ला अदालतबाट म्याद अनुमती लिई थप अनुसन्धान गर्ने कार्य भईरहेको चितवन प्रहरीले जनाएको छ ।

क्याटेगोरी : अपराध/सुरक्षा, विशेष, देश परदेश, समाचार, स्थानीय