काठमाडौँ । प्रतिनिधिसभाको शिक्षा तथा स्वास्थ्य समितिको बैठकमा योगमाया आयुर्वेद विश्वविद्यालय विधेयक, २०७६ माथि संशोधनकर्ता सांसदहरूसँग छलफल सुरु भएको छ ।

समितिको आज सिंहदरबारमा बसेको बैठकमा  सांसद द्वय प्रेम सुवाल र राजेन्द्रप्रसाद गौतमले विधेयकमाथि संशोधनका बुँदा प्रस्तुत गर्नुभयो ।

बैठकमा नेपाल मजदुर किसान पार्टीका सांसद प्रेम सुवालले त्रिभुवन विश्वविद्यालयमा जस्तो  कुलपति प्रधानमन्त्री हुने प्रावधान नराखी प्राध्यापकहरूबिच निर्वाचन गराएर योगमाया आयुर्वेद विश्वविद्यालयमा कुलपति नियुक्त गर्न सकिने प्रावधान राख्न माग गर्नुभयो ।

उहाँले विश्वविद्यालयभित्र शिक्षक तथा विद्यार्थी सङ्गठन र युनियन गठन गर्न नपाउने व्यवस्था गरिनु पर्नेमा जोड दिनुभयो ।

संशोधन प्रस्तुत गर्नुहुने नेकपा एमालेका सांसद राजेन्द्रप्रसाद गौतमले योगमाया आयुर्वेद विश्वविद्यालयमा सम्पूर्ण नेपाली विद्यार्थीले निःशुल्क पढ्न पाउने व्यवस्था विधेयकमा गर्नुपर्ने बताउनुभयो ।

क्याटेगोरी : समाचार
ट्याग : ##शिक्षा तथा स्वास्थ्य समिति, #योगमाया आयुर्वेद विश्वविद्यालय विधेयक

---

---

---