चुरे तथा बुट्यान क्षेत्र संरक्षणको माग गर्दै जनकपुरधाममा प्रदर्शन
जनकपुरधाम । तराई मधेशको लाइफ लाइनको रुपमा रहेको चुरे तथा बुट्यान क्षेत्र संरक्षणको माग गर्दै जनकपुरधाममा चुरे अभियानीहरुले प्रदर्शन गरेका छन् ।
चुरे वनजंगल संरक्षण अभियन्ताहरूले हिजो मात्र विभिन्न निकायमा ज्ञापनपत्र बुझाएका थिए । विगतमा मधेश प्रदेश सरकारले गरेको सात बुँदाको निर्णय कार्यान्वयन नगरेको भन्दै मधेश प्रदेशको राजधानी केन्द्रित आन्दोलन थालिएको अभियानका केन्द्रीय संयोजक सुनिल कुमार यादवले जानकारी दिनुभयो ।
उहाँले सुकुम्वासीको नाउँमा गलत व्यक्तिहरूलाई चुरे तथा बुट्यान क्षेत्रको जग्गा वितरण गरेको र वास्तविक सुकुम्बासी जग्गा पाउनबाट वञ्चित भएको बताउँदै जनकपुरधामको जनक चौकमा आमरण अनसन गर्दा मधेश प्रदेश सरकारसँग भएको ७ बुँदे सहमति कार्यान्वयनको माग गर्नुभयो ।
चुरे संरक्षण अभियानी तथा सुकुम्वासीहरूले जनकपुरधामको जनक चौकमा भेला भएर नगरको विभिन्न भागको परिक्रमा गर्दै पिडारी चौकमा पुगी कार्यक्रम समापन गरेका थिए । कार्यक्रममा सहभागीहरूले चुरेको संरक्षणमा तीनै तहका सरकार गम्भीर नभएको बताउँदै चुरे विनाशको असरबाट कोही अछुतो नरहने बताउनुभएको थियो ।
चुरे संरक्षण अभियानीहरुले विगत दुई वर्षदेखि चुरे संरक्षणको मागसहित विभिन्न प्रकारका दबाबमूलक कार्यक्रम गर्दै आएका छन् ।
क्याटेगोरी : समाचार
ट्याग : #चुरे तथा बुट्यान क्षेत्र संरक्षण
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्