काठमाडौँ । प्रतिनिधिसभाको आजको बैठकमा प्रधानमन्त्री शेरबहादुर देउवाको तर्फबाट गृहमन्त्री बालकृष्ण खाणले मुस्लिम आयोगको आर्थिक वर्ष २०७७/२०७८ वार्षिक प्रतिवेदन पेश गर्नुभयो ।

प्रतिनिधिसभाको बैठकले सामाजिक सुरक्षा (पहिलो संशोधन) विधेयक, २०७९ लाई पारित गरेको छ ।

बैठकमा गृहमन्त्री बालकृष्ण खाणले सामाजिक सुरक्षा (पहिलो संशोधन) विधेयक, २०७९ लाई पारित गरियोस् भनी प्रस्तुत गर्नुभएको प्रस्तावलाई बैठकले सर्वसम्मतिले पारित गरेको हो ।

यसअघि, प्रतिनिधिसभाको आजको बैठकमा बोल्दै सांसदहरुले देशका बिभिन्न समसामयिक विषयहरुमा सरकारको ध्यानाकृष्ट गराउनुभएको छ ।

बैठकमा सांसदहरुले जलवायू परिवर्तन न्युनिकरण तथा अनुकुलनका कार्यक्रमहरुलाई प्रभावकारी बनाउनु पर्ने, बाढि पहिरो प्रभावितहरुको उद्धार तथा राहातको व्यवस्था, कृषकलाई मल उपलव्ध गराउनु पर्ने, वर्षाको समयमा निर्माणाधिन बुटवल नारायणगढ सडकखण्ड, बुटवल पाल्पा सडकखण्डमा यात्रूहरुले निकै सास्ती भोग्नु परेकोमा सरकारको ध्यानाकृष्ट गराउनुभयो ।

सांसदहरुले निर्माण सम्पन्न गरिसक्ने समय आइसक्दा पनि नारायणगढ बुटवल सडक खण्डको निर्माण कार्य १९ प्रतिशत मात्र सम्पन्न भएकोमा यो गतिले निर्माण हुदाँ जनताले निकै दुख पाउने हुँदा यस कामलाई तिव्रता दिन सरकारको ध्यानाकृष्ट गराउनुभयो ।

अहिले प्रतिनिधिसभाको बैठक जारी छ ।

क्याटेगोरी : समाचार
ट्याग : #प्रतिनिधिसभा

---

---

---