हिंसामा परेकी राधिकाकी आमाद्वारा प्रहरीमा जाहेरी
जनकपुरधाम । जनकपुरमा २२ वर्षीया राधिका कार्कीलाई करेन्ट लगाएर भएको हत्या प्रयासको घटनाविरुद्ध प्रहरीमा जाहेरी परेको छ । पीडित राधिकाकी आमा सिन्धुलीको गोलञ्जर गाउँपालिका–२ बस्ने अम्बिका कार्कीले जिल्ला प्रहरी कार्यालय धनुषामा जाहेरी दिनुभएको हो ।
राधिकाकी आमाले शङ्कास्पद पीडकको नाम राखेर जाहेरी दिनुभएको धनुषाका प्रहरी नायब उपरीक्षक एवं प्रवक्ता प्रदीपबहादुर क्षेत्रीले जानकारी दिनुभयो ।
क्षेत्रीले पीडितकी आमाले जाहेरी दिनुभएको र पीडक पत्ता लागेपछि दर्ता गरेर कारबाही प्रक्रिया अगाडि बढाउने बताउनुभयो ।
जेठ १६ गते साँझ प्रेमी धनुषाको क्षिरेश्वरनाथ नगरपालिका बस्ने वर्ष २८ का अरुणकुमार साहले प्रेमिका राधिकाको चारै हातखुट्टा र पेटमा करेन्ट लगाएर हत्या प्रयास गरेका थिए । विवाह गर्ने प्रलोभनमा आठ महिनादेखि जनकपरको थापाचोकमा दुबै जना बस्दै आएका थिए । सो दिन राधिकाले वाचा गरेअनुसार घर लग्न भनेपछि विवाद उत्पन्न भएको थियो । त्यसपछि अरुणले हातखुट्टामा करेन्ट लगाएर हत्या प्रयास गरेको पीडित राधिकाले बताउनुभयो ।
करेन्ट लागेर गम्भीर घाइते राधिकालाई प्रहरीले उद्धार गरी प्रादेशिक अस्पताल जनकपुर पुर्याएको थियो । प्रादेशिक अस्पतालको सर्जिकल वार्डमा राधिकाको उपचार भइरहेको छ । उपचारमा संलग्न चिकित्सक डा.अश्विनी यादवका अनुसार करेन्ट लागेका कारण राधिकाको हात खुट्टाको केही औँला काम नलाग्ने अवस्थामा छन् जुन काटेरै हटाउनुपर्ने अवस्था छ ।
यसैबीच राष्ट्रिय महिला आयोगका अध्यक्ष कमला पराजुली सहितका पदाधिकारीहरूले अस्पतालमा पुगी पीडित बालिकाको अवस्थाको बारेमा जानकारी लिनुभएको छ ।
क्याटेगोरी : समाचार
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्