वाचन शिरोमणि पण्डित नारायण पोखरेलको स्मृतिमा राष्ट्रिय पुरस्कार घोषणा
काठमाडौँ, १ असार । वाचन शिरोमणि पण्डित स्वर्गीय नारायणप्रसाद पोखरलको स्मृतिमा राष्ट्रिय पुरस्कार घोषणा गरिएको छ । नारायण पोखरल प्रतिष्ठानले स्वर्गीय पोखरेलको ६८ औँ जन्मजयन्तीको अवसर पारेर आज राष्ट्रिय पुरस्कार घोषणा गरेको हो ।
प्रतिष्ठानको केन्द्रीय कार्यालयमा सितापाईलामा आज आयोजित कार्यक्रममा प्रतिष्ठानका प्रमुख संरक्षक वाचन पण्डित दिनबन्धु पोखरेलले स्वर्गीय पोखरेलको नाममा रु ५० हजार एक नगदसहितको पुरस्कार घोषणा गर्नुभएको हो । नेपालको आध्यात्मिक र धार्मिक क्षेत्रमा विशिष्ट योगदान पु¥याउने व्यक्तिलाई प्रदान गरिने उक्त पुरस्कार स्वर्गीय पोखरेलको स्मृति दिवसको अवसरमा बैशाख २३ गते प्रदान गरिने प्रतिष्ठानले जनाएको छ ।
कार्यक्रममा प्रतिष्ठानका प्रमुख संरक्षक पोखरेलले समाजमा रहेको छुवाछूत र जातीय विवेदको अन्त्य गर्दै समाज रुपान्तरणमा स्व पोखरेलको महत्वपूर्ण भूमिका रहेको बताउनुभयो । पोखरेलले भौतिकवाद र आध्यात्मिकवादको संयोजनबाट देशलाई अगाडि बढाउनुपर्ने बताउनुभयो ।
प्रतिष्ठानका उपाध्यक्ष भवानी देवकोटाले आध्यात्मिक चिन्तनका माध्यमबाट समाज विकासमा स्व पोखरेलले खेलेको भूमिकाको महत्वपूर्ण रहेको बताउनुभयो । प्रतिष्ठानका सचिव डा रामहरि ढकालले समाजमा नाम र कृति छोडेर परलोक हुने थोरै व्यक्तिमध्ये पण्डित पोखरेल एक भएको बताउनुभयो । विस २०११ जेठ ३२ गते गोरखाको बगुवामा जन्मनुभएका स्व पोखरेलले देशभरका ६५ भन्दा बढी जिल्लामा एक हजार १३६ पुराण वाचन गर्नुभएको थियो ।
धार्मिक क्रियाकलापबाट मानिसलाई सामाजिक विकासमा अभिप्रेरित गर्ने पण्डित पोखरेल नेपालका पहिलो धार्मिक शहीद हुनुहुन्छ । उहाँको विस २०६२ वैशाख २३ गते रुपन्देहीको रामापुरमा हत्या गरिएको थियो । उहाँलाई जनस्तरबाट वाचन शिरोमणिको उपाधि दिइएको थियो ।
पण्डित पोखरेलको स्मृतिमा प्रतिष्ठान स्थापना गरेर काठमाडौँको नागार्जुन नगरपालिकास्थित रामकोटमा २० रोपनी क्षेत्रफलमा बद्रीनारायण धामसहितको नारायण आध्यात्मिक केन्द्र स्थापना गरिएको छ । उक्त धामसहितको केन्द्र निर्माणका लागि रु ४० करोड लाग्ने प्रतिष्ठानका कोषाध्यक्ष बद्री पोखरेलले जानकारी दिनुभयो ।
क्याटेगोरी : समाचार
ट्याग : #दिनबन्धु पोखरेल, #नारायणप्रसाद पोखरल
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्