नाइजेरियाको एक चर्चमा भागदौड हुँदा ३१ जनाको मृत्यु

साझापाना २०७९ जेठ १५ गते १०:१८ मा प्रकाशित

माडौं । दक्षिणी नाइजेरियाको एक चर्चमा भागदौड हुँदा ३१ जनाको मृत्यु भएको छ। अरु ७ जना घाइते भएका छन्।

रिभर्स राज्यको किंग्स एसेम्बली पेन्टेकोस्टल चर्चको वार्षिक “शप फर फ्री“ च्यारिटी कार्यक्रममा भागदौड मच्चिएको अधिकारीहरुले जनाएका छन्।

प्रहरी प्रवक्ताका अनुसार हिजो त्यस चर्चमा परोपकारी कार्यक्रम राखिएको थियो। अहिले उक्त क्षेत्रलाई सुरक्षाकर्मीले घेरा हालेका छन्। नाइजेरियामा विगतमा पनि यस्तै भागदौडका घटनामा मानिसहरुको मृत्यु हुने गरेको थियो। एजेन्सी

क्याटेगोरी : अन्तर्राष्ट्रिय, समाचार
ट्याग : #दक्षिणी नाइजेरिया