कांग्रेसका विभिन्न २५० जना नेता तथा कार्यकर्ता एमालेमा प्रवेश
काठमाडौं । कांग्रेसका विभिन्न २५० जना नेता तथा कार्यकर्ता एमालेमा प्रवेश गरेका छन् । कपिलवस्तुमा कांग्रेसका क्षेत्रीय सचिव र वडा अध्यक्ष, वडा सदस्यसहित २५० जना नेकपा एमालेमा प्रवेश गरेको बताइएको छ । कांग्रेस कपिलवस्तुका प्रभावशाली नेता एमाले प्रवेश गरेसँगै बुद्धभूमि र महाराजगञ्ज नगरपालिकामा हुने स्थानीय तहको निर्वाचनमा कांग्रेसलाई सकस हुने देखिएको छ ।
नेपाली कांग्रेसको निर्वाचन क्षेत्र नं. २ का सचिव गंगेशनाथ तिवारी, महाराजगञ्ज नगरपालिका वडा नं. ११ का वडाध्यक्ष जगदिश तिवारी, वडा सदस्य रामपति यादव, वनसपति कोरी लगायत २५० जना नेकपा एमाले पार्टीमा प्रवेश गरेको स्रोतले जनाएको छ । युवा नेता गंगेशनाथ तिवारीको महाराजगञ्ज नगरपालिकामा मात्र नभई बुद्धभूमि नगरपालिकाको वडा नम्बर ६, ७ र ८ मा समेत प्रभाव रहेको छ । लामो समयदेखि राजनीति गर्दै आएका तिवारी परिवारको एमालेमा इन्ट्रीलाई लिएर नेपाली कांग्रेसमा समेत चर्चाको विषय बनेको छ ।
कांग्रेस प्रदेश महामन्त्री सुरेन्द्रराज आचार्यको विश्वासनीय पात्रसमेत रहेका तिवारी शिवराज साझेदारी वन व्यवस्थापन समितिका अध्यक्ष समेत हुन् । एमाले नेता तथा संघीय सांसद वृजेश कुमार गुप्ता, प्रदेश सचिवालय सदस्य झविलाल पोख्रेल, महाराजगञ्जका एमाले नेता रामदास चौधरीले उनीहरुलाई पार्टी प्रवेश गराएका थिए ।
पार्टी प्रवेश कार्यक्रममा नेता गुप्ताले मधेसको विकासको लागि एमालेका उम्मेदवारलाई विजयी बनाउन आग्रह गरे । नेता गुप्ताले एमालेप्रति मधेशमा जनलहर बढेको बताउँदै कपिलवस्तुमा एमालेले सबैभन्दा धेरै सिट जित्ने दाबी गरे ।
क्याटेगोरी : समाचार, स्थानीय
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्