आज मध्यरातिबाट निर्वाचनको आचारसंहिता लागू हुने, उल्लंघन गरे कारबाही

साझापाना २०७८ चैत्र २५ गते १८:५७ मा प्रकाशित

काठमाडौं । आगामी ३० वैशाखमा हुने स्थानीय तह निर्वाचनको आचारसंहिता शुक्रबार मध्यरातिबाट लागु हुने भएको छ ।

यसबारे जानकारी दिन शुक्रबार अपरान्ह आफ्नै कार्यालयमा गरेको पत्रकार सम्मेलनमा निर्वाचन आयोगले आचारसंहिता उल्लंघन गरे कारबाही हुने चेतावनी दिएको छ ।

प्रमुख निर्वाचन आयुक्त दिनेशकुमार थपलियाले आचारसंहिता उल्लंघन गरे निर्वाचन कसुर अनुसार कारबाही हुने बताए ।

‘आचारसंहिता पालना गर्छौँ भनेर प्रतिबद्धता जनाउने, तर उल्लंघन गरेमा निर्वाचन कसुर अनुसार कारबाही हुन्छ,’ प्रमुख आयुक्त थपलियाले भने । आचारसंहिता उल्लंघन गर्ने कसैलाई छुट नभएको र गरेमा कारबाही गरेरै छाड्ने उनले बताए ।

क्याटेगोरी : राजनीति, स्थानीय