संखुुवासभाको मादीमा भएको बस दुर्घटनाका घाईते ५ जना सेनाको हेलिकप्टरबाट थप उपचारका लागि बिहिबार दिँउसो धरान लगिएको छ । उनीहरुको विपी कोइराला स्वास्थ्य विज्ञान प्रतिस्ठान धरानमा उपचार गरिने जिल्ला प्रहरी कार्यालयका डिएसपी लालध्वज सुबेदीले बताए । घाईते मध्ये युका पोखरेल र बलबहादुर कार्कीको अवश्था गम्भिर छ । सुवास गोले, तुलसा कटुवाल, अम्बिका विक खतरामुक्त भएपनि थप उपचारका लागि उनीहरुलाई पनि धरान लगिएको छ ।

मादीमा भएको बस दुर्घटनाका मृतक मध्ये १० जनाको सनाखत भएको छ । मादीबाट झापाको दमक जाँदै गरेको यात्रुबाहक बस मादी नगरपालिका ६ को पुलुड्ड स्थित सात घुम्तिमा बिहीबार दुर्घटना हुदाँ १४ जनाको घटनास्थलमै मृत्यु भएको थियो । मृत्यु हुनेमा मादीकी अञ्जना कटुवाल, दीपक दाहाल, ईन्द्रबहादुर अधिकारी, आईतबहादुर तामाड्ड, सविता राउत, श्याम शेर्पा, भवानी दाहाल, दिक्षा कटुवाल, चालक विपीन निरौला,सहचालक उमेर भट्टराई रहेको प्रहरीले जनाएको छ । १ जना पुरुष २ महिला र १ जना बालकको पहिचान भने खुलेको छैन ।

स्थानीयले बसमा कम्तिमा २१ जना यात्रु रहेको अनुमान गरेका छन् । बस सडकबाट करिब ३ सय मिटर तल खसेको थियो ।

क्याटेगोरी : ब्रेकिंग न्युज, विशेष, समाचार
ट्याग : #breaking, #hot, #बस दुर्घटना अपडेट, #संखुवासभा

---

---

---