संखुवासभा, फागुन, २६ — संखुवासभाको मादीबाट झापाको दमक जाँदै गरेको यात्रुबाहक बस मादी नगरपालिका ६ को पुलुड्ड स्थित सात घुम्तिमा दुर्घटना भएको छ । बिहीबार बिहान भएको दुर्घटनामा ५ जनाको जिवितै उद्धार गरिएको छ । स्थानीय डम्बरबहादुर बस्नेतका अनुसार सुवास गोले, युका पोखरेल, तुलसा कडुवाल, वलबहादुर कार्की र अम्बिका कार्कीलाई जीवितै उद्धार गरिएको हो ।

दुर्घटनामा मृत्यु भएका मध्ये १४ जनाको शव निकालिएको छ । मृतकहरुको पहिचान भने भएको छैन ।स्थानीयका अनुसार करिब बसमा १९ देखि २१ जना यात्रु थिए । बस सडकबाट करिब ३ सय मिटर तल खसेको छ । दुर्घटनामा कतिजनाको ज्यान गयो भन्ने बिबरण संकलन भइरहेको छ । क्षतिको बिबरण आईनसकेको जिल्ला प्रहरी कार्यालय संखुवासभाका डिएसपी लालध्वज सुबेदीले बताए । दुर्घटनामा घाईते भएकाहरुलाई उपचारका लागि हेलिकप्टरबाट लैजानु पर्ने स्थानीयले बताए ।

क्याटेगोरी : ब्रेकिंग न्युज, समाचार
ट्याग : #breaking, #hot, #संखुवासभा

---

---

---