काठमाडौं, १३ माघ । भौतिक पूर्वाधारमन्त्री रेणु यादवलाई राजीनामा दिन दबाब बढेको छ ।

माघ ५ गते गौर हत्याकाण्डसँग जोडेर हिंसा फैल्याउने विवादास्पद अभिव्यक्ति दिएपछि मन्त्री यादवको चौतर्फी आलोचना भइरहेको छ ।

यादवको अभिव्यक्ति प्रति प्रधानमन्त्री शेरबहादुर देउवाले समेत चासो लिएको बताइएको छ । यदि मन्त्री यादवले राजीनामा नदिए बर्खास्त गर्नेबारे समते चर्चा भइरहेको बुझिएको छ ।

उनलाई रक्षा गर्न जनता समाजवादी पार्टीका अध्यक्ष उपेन्द्र यादव लागेका भए पनि पार्टीकै अन्य नेताहरु भने असन्तुष्ट रहेका छन् ।

त्यस्तै, सप्तरी जिल्ला प्रशासनमा पनि प्रधानमन्त्री देउवालाई मन्त्री यादवको बर्खास्तीको माग गर्दै ज्ञापनपत्र बुझाइएको छ ।

त्यस्तै, नेवि संघले समेत मन्त्री यादवको अभिव्यक्तिको चर्को आलोचना गर्दै राजीनामाको माग गरेको छ ।

क्याटेगोरी : समाचार
ट्याग : #hot, #रेणु यादव

---

---

---