सिर । नाडा अटोमोबाइल्स एशोसिएसन अफ नेपालको अध्यक्षमा ध्रुब थापा विजयी भएका छन् ।

फोर्स मोटर नेपालका प्रमुख थापाले अटो व्यवसायी करण चौधरीलाई पराजित गर्दै जित हासिल गरेका हुन् । शुक्रबार बिहान घोषित परिणाम अनुसार थापाले १ हजार ४१३ मत पाएर अध्यक्षमा निर्वाचित भएका हुन् भने उनका निकटतम प्रतिस्पर्धी चौधरीले १ हजार ३४७ मत पाएका छन् ।

अध्यक्षमा थापाको जित भए पनि कार्यसमितिमा चौधरी प्यानलको वर्चश्व देखिएको छ । चुनावमा थापा र चौधरीले प्यानलनै बनाएर निर्वाचन प्रतिस्पर्धा गरेका थिए । चौधरी पराजित भए पनि १७ सदस्यीय पदाधिकारीमा चौधरी प्यानलका १२ जना विजयी हुँदा थापा प्यानलका ५ जना मात्रै विजयी भएका छन् ।

अध्यक्ष थापा पक्षका निराकार श्रेष्ठ, आकाश गोल्छा, कपिल शिवाकोटी, प्रदिपमान प्रधान र यमुना श्रेष्ठ निर्वाचित भएका छन् भने चौधरी प्यानलका राजनबाबु श्रेष्ठ, सुनिल रिजाल, सुरेन्द्रकुमार उप्रेती, अनुपकुमार बराल, मिलनबाबु मल्ल, अभिक ज्योति, प्रकाश कपुरी, बिक्रम सिंहानिया, बरदान बस्नेत, निलमणि पाठक, पंकज अग्रवाल र गोपाल भट्टराई विजयी भएका छन् ।

नाडाको ४५औं साधारणासभा बुधबार अर्थमन्त्री जनार्दन शर्माले उदघाटन गरेका थिए ।

क्याटेगोरी : समाचार
ट्याग : #hot, #नाडा कार्यसमिति

---

---

---