निफमा बहस : सिनेमामा नायकत्वको प्रश्न
हिरो हुन सामाजिक रुपान्तरणमा भूमिका निर्वाह गर्नुपर्ने धारणा सरोकारवालाहरुले व्यक्त गरेका छन । नेपाल चलचित्र तथा साँस्कृतिक प्रतिष्ठानले बुधबार आयोजना गरेको सिनेमामा नायकत्वको प्रश्न विषयक अन्तर्क्रियामा सहभागी वक्ताहरुले नायकका बारेमा रहेको परम्परागत धारणा परिवर्तन हुन थालेको बताए । लेखक पत्रकार युग पाठकको सहजिकरणमा सम्पन्न भर्चुअल बहसमा चलचित्रकर्मी, सञ्चारकर्मी तथा शिक्षाविद्हरुले नेपाली चलचित्रमा पात्र भन्दा विषयवस्तुमा जोड दिनुपर्ने समान धारणा राखेका थिए ।
उनिहरुले नायकजस्ता पात्र निर्माण भएपनि ‘फर्मूला’मा आधारित नायक पात्रको विस्तारै अवसान हुँदै गएको बिचार व्यक्त गरे । सहभागिले समाजभन्दा फरक काल्पनिक नायकको पात्र खडा गरेर सुपर हिरो जन्माउन नभई जुनसुकै पात्र पनि कथाभित्रको नायक हो भन्ने अवधारणा विकास गर्दा नेपाली चलचित्रको उचाई बढ्ने बताए ।
चलचित्र निर्देशक दिपेन्द्र के खनालले नेपाली चलचित्रमा नायकको भूमिका महत्वपूर्ण हुने भएपनि यसभन्दा महत्वपूर्णको यसको विषयवस्तु हुने उल्लेख गरे । परम्परागत रुपमा नायकनै चलचित्रमा मुख्य रहने बुझाई पछिल्लो समय हराउँदै गएको भन्दै उनले सामान्य भूईमान्छेका विषयहरु समेटिएका चलचित्र दर्शकमाझ लोकप्रिय बनेको उदारहण पेश गरेका थिए । नायक सर्वगुण सम्पन्न पुरुष नै हुनुपर्छ भन्ने आम बुझाइ रहेकोमा यो समयसँगै परिवर्तन हुन थालेको बताए ।
आफूले अहिले चलचित्र निर्माण गर्दा हरेक पात्रलाई नायककै रुपमा बुझेको उनको भनाइ थियो । यस्तै शिक्षाविद रेशु अर्याल ढुंगानाले भारतीय चलचित्रका पात्रहरुको उदारहण दिदैं नेपाली चलचित्रमा नायक खोज्ने तर बास्तविक नायकको खोजीमा अल्छि गर्ने प्रवृति बढेको बताईन ।
ढुंगानाले गुणैगुणले भरिएको परम्परागत नायकको रुप परिवर्तन हुँदै अवगुण पनि भएको नायक चलचित्रमा देखा पर्न थालेको बताइन् । पछिल्लो समय अभिनेत्री रेखा थापा लगायतले पनि नायकत्वको गुण विकास गरेको भन्दै यसको प्रशंसा गरेकी छन । उनले नायकलाई खडा गरेर उसको नायकत्वको लागि कृत्रिम वातावरण बनाइने गरेको र त्यसले बालबालिकामा नकारात्मक प्रभाव पार्ने बताइन् ।
सञ्चारकर्मी तथा निर्देशक संगीता श्रेष्ठले राम्रो लुगा लगाउने निरीह र अबला नायिकालाई बचाउने पात्रलाई नै नायक भन्ने अवधारणा विस्तारै परिवर्तन हुँदै गएको बताइन् ।
क्याटेगोरी : मनोरञ्जन/साहित्य
ट्याग : #सिनेमामा नायकत्वको प्रश्न
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्