संखुवासभा जिल्लाको सिलिचोङ गाउँपलिका वडा नं. ५ याफुका जंगली च्याउ खाँदा एकै घरको ९ जना विरामी परेका छन् ।
गत शुक्रबार रातिदेखि घरका बुवा बुद्ध बहादुर राई र आमा बुद्धि माया राईसहित परिवारका नौ जना विरामी परेका छन् । विरामी पर्नेमा छोराहरु महेन्द्र राई, बिरेन्द्र राई, शहदेव राई, कान्छी बुहारी, छोरी, नातिनी र नाति रहेका छन् ।

शुक्रबार साँझ जंगलबाट फर्किने क्रममा च्याउ टिपेर ल्याई खाएर सुतेपछि मध्यरातबाट परिवारका सबैलाई बान्ता हुन थालेको स्थानीय प्रेम मेवाहाङले जानकारी दिनुभयो ।

याफु आधारभूत स्वास्थ्य सेवा इकाईबाट ९ जना मध्ये ८ जनालाई जिल्ला अस्पताल खाँदबारी रेफर गरिएको थियो ।
नौ जनाको परिवार मध्ये बुवा भने याफू आधारभूत स्वास्थ्य ईकाईमा नै उपचार भईरहेको र अन्यको जिल्ला अस्पताल संखुवासभामा उपचार भईरहेकोमा किड्नी र कलेजोमा बढि समस्या देखिएकोले उनीहरुलाई जिल्ला अस्पताल संखुवासभाबाट आईतबार विपी कोईराला स्वास्थ्य विज्ञान प्रतिष्ठान धरान रेफर गरिएको अस्पतालले जनाएको छ ।

थप समाचार

पशुपति क्षेत्रमा राष्ट्रसेवा शक्ति साधना नशामुक्ति शिविर गरिने

आजको संसद् बैठकः विनियोजन विधेयकका सिद्धान्त र प्राथमिकतामा छलफल हुने

निर्मल निवासले भन्योः राजालाई नजरबन्द गरिएको छैन

बुद्ध जयन्ती मनाइँदै, आज सार्वजनिक बिदा