टोखा चण्डेश्वरी स्वास्थ केन्द्रमा १५ बेडको अक्सिजन सहित आइसोलेशन शुरू

साझापाना २०७८ वैशाख २४ गते १९:०७ मा प्रकाशित

काठमाडौं । टोखा नगरपालिकाले दोस्रो चरणको कोरोना सङ्क्रमण बढेसँगै आजदेखि अक्सिजनसहितको आइसोलेशन केन्द्र सञ्चालनमा ल्याएको हो । अक्सीजन सिलिण्डरको अभावमा अहिले १५ बेड मात्र सञ्चालनमा ल्याइए पनि सिलिण्डरको व्यवस्था हुने वित्तिकै ५० बेडको अक्सीजिन थेरापीसहितको आइसोलेसन तयार गर्ने भएको छ ।

डाक्टर र औषधिसहित तयार गरिएको आइसोलेसनमा अहिले २ जना बिरामी रहेपनि १ जनाको अवस्था गम्भीर भएकाले अन्य अस्पताल रिफर भएको मेयर प्रकाश अधिकारीले बताए ।

मेयर अधिकारीका अनुसार आजै साँझसम्म अरु ३ जना कोरोना संक्रमित बिरामी राखीने छ ।

टोखा नगरपालिकाले नगर उपप्रमुख डङ्गोलको संयोजकत्वमा आइसोलेसन सेन्टर व्यवस्थापन तथा अनुगमन समिति निर्माण गरी कोभिडका बिरामीको उपचारका लागि सम्भावित स्थानको अध्ययन गरिरहेको छ । यस्तै नपाले बढ्दो कोरोना सङ्क्रमितलाई ध्यानमा राखेर अक्सिजन थेरापीसहितको आइसोलेसन केन्द्र निर्माण गर्न लागेको छ।

टोखा ७ को राधास्वामीको भवनमा ८८ बेडको अक्सीजन थेरापीसहितको आइसोलेसन तयार हुन लागेको छ । काठमाडौं महानगरपालिका र टोखा नगरपालिकाको सहयोगमा सिसिएमसीको निर्णयअनुसार आर्मीले हेर्ने गरी आइसोलेसन सञ्चालनमा आउन लागेको हो ।

क्याटेगोरी : समाचार
ट्याग : #टोखा चण्डेश्वरी स्वास्थ केन्द्र