मानव सेवा आश्रमलाई टोखा नगरपालिकाद्धारा औषधी र स्वास्थ्य उपकरण हस्तान्तरण

साझापाना २०७८ वैशाख १६ गते १९:०० मा प्रकाशित

काठमाडौं । मानव सेवा आश्रमलाई टोखा नगरपालिकाले औषधी र स्वास्थ्य उपकरणहरु हस्तान्तरण गरेको छ ।

नगर प्रमुख प्रकाश अधिकारीले टोखाका ८ औं नगर सभाबाट भएको निर्णयअनुसार मानव सेवा आश्रमलाई स्वास्थ्य सामाग्री र औषधी वितरण गरेको नगर स्वास्थ्य शाखा प्रमुख रनलाल कुलालले बताए ।

कुलालकाअनुसार स्वास्थ्य सेवासम्बन्धी ३८ प्रकारका औषधी, १७ प्रकारका औजाररउपकरण रहेका छन् । जसमा अक्सिजन कन्सनट्रेटर, ईसिजि मेसिन, स्टेचर, ह्वीलचिएरदेखि ड्रेसिङ लगायतमा आवश्यक सामानहरु रहेका छन् । मेडीकल कक्षमा आवश्यक पर्ने औषधि राख्ने दराज र फाइलहरु समेत नगर प्रमुखको हातबाट हस्तान्तरण भएकोे छ ।

मानव सेवा आश्रमले देशैभरी सडकमा रहेका अनाथ मानिसहरुको व्यवस्थापन गर्दै आइरहेको छ । हेटौंडामा मुख्य कार्यालय सञ्चालन गरेर देशैभरी शाखा कार्यालय सञ्चालन गरी सडकमा मानवमुक्त गर्नका लागि २४ सै घण्टा लागिरहेको छ ।

क्याटेगोरी : समाचार
ट्याग : #मानव सेवा आश्रम