जिल्ला प्रशासन कार्यालय काठमाडौँको अत्यावश्यक बाहेकका सबै सेवा स्थगित

साझापाना २०७८ वैशाख १२ गते १७:१४ मा प्रकाशित

काठमाडौँ जिल्ला प्रशासन कार्यालयले अत्यावश्यक बाहेकका सबै सेवा स्थगित गरेको छ ।

कार्यालयमा कार्यरत केही कर्मचारी संक्रमित भएको र उनीहरुको निकट सम्पर्कमा रहेका अन्य कर्मचारीहरु समेत परीक्षणको क्रममा रहेकाले कार्यालयबाट प्रदान गरिने अत्यावश्यक बाहेकका सम्पूर्ण सेवाहरु बन्द गरिएको प्रमुख जिल्ला अधिकारी काली प्रसाद पराजुलीले बताएका छन् ।

सोमबारदेखि लागु हुने गरी जिप्रकाले सो सूचना जारी गरेको हो ।