काठमाडौं, ६ वैशाख । सरकारले काठमाडौंलगायत प्रमुख शहरहरुका विद्यालय केही अवधिका लागि बन्द गर्ने निर्णय गरेको छ ।

आज सोमबार बिहान बालुवाटारमा बसेको मन्त्रिपरिषद् बैठकले यस्तो निर्णय गरेको हो । बढ्दो क्रममा रहेको कोरोना भाइरसको संक्रमण नियन्त्रणका लागि प्रमुख शहरका विद्यालयहरु बन्दका लागि आदेश जारी गर्ने निर्णय सरकारले गरेको परराष्ट्र मन्त्री प्रदीप ज्ञवालीले जानकारी दिएका छन् ।

शनिबार बसेको सीसीएमसी बैठकले कोरोनाको नयाँ भेरियन्ट नियन्त्रण तथा रोकथामका लागि एक महिना विद्यालय बन्द तथा रात्रीकालीन व्यवसाय बन्द गर्नुपर्ने प्रस्ताव गरेको छ ।

तर, विद्यालयको पठन पाठन भने पूर्णरुपमा बन्द नगरी अनलाइन माध्यमबाट पढाउनुपर्ने सीसीएमसीको सर्त छ ।

क्याटेगोरी : समाचार
ट्याग : #breaking, #मन्त्रिपरिषद् बैठ

---

---

---