कर्णाली प्रदेश सभाको सातौँ अधिवेशन आज हुँदै

मुख्यमन्त्री शाहीले विश्वासको मत लिने

साझापाना २०७८ वैशाख ३ गते १२:२२ मा प्रकाशित

काठमाडौं । कर्णाली प्रदेश सभाको सातौँ अधिवेशन आज दिउँसो २ बजे हुँदै छ । अधिवेशनमा त्यहाँका मुख्यमन्त्री महेन्द्रबहादुर शाहीले विश्वासको मत लिने बताइएको छ । यसका लागि मुख्यमन्त्री शाहीले यसअगावै प्रदेश सभा सचिवालयमा पत्र पठाउँदै विश्वासको मत लिने व्यवस्था मिलाउन भनेका थिए ।

यता नेकपा माओवादी केन्द्रले मुख्यमन्त्रीलाई विश्वासको मत दिन अपिल नै गरेको छ ।

माओवादीकी संसदीय दलकी प्रमुख सचेतक सीता नेपालीले बिहीबार एक विज्ञप्ति जारी गर्दै मुख्यमन्त्री शाहीको विश्वासको मतको प्रस्तावका पक्षमा मतदान गर्न सबै राजनीतिक दललाई अपिलसमेता गरेकी छन् ।

गत चैत ५ गतेदेखि नेकपा एमालेले सरकारलाई दिएको समर्थन फिर्ता लिएपछि मुख्यमन्त्री शाहीअल्पमतमा परेका थिए ।

३९ सदस्य रहेको प्रदेश सभामा माओवादीका १२, एमालेका २०, कांग्रेसका ६ र राप्रपाका १ जना सांसद छन् । अब वर्तमान सरकारको निरन्तरताका लागि मुख्यमन्त्रीलाई २० जना सांसदको समर्थन आवश्यक पर्छ ।

क्याटेगोरी : समाचार
ट्याग : #3मुख्यमन्त्री शाहीले विश्वासको मत लिने, #breaking