हराएको मोबाईल खोज्दै बुझाउँदै चितवन प्रहरी, २५ मोबाईल सम्बन्धि धनीलाई हस्तान्तरण

प्रनिश थापा चितवन संवाददाता २०७७ चैत्र १३ गते १६:२३ मा प्रकाशित

चितवन । चितवन प्रहरीले विभिन्न मितीहरुमा चोरी भएका तथा हराइएका मोबाइलहरुको खोजी गरेर सम्बन्धि मोबाइल धनीलाई हस्तान्तरण गरेको छ । हराइएका विभिन्न कम्पनीका २५ थान मोबाईलहरु फेला पारी आज ( शुक्रबार) सम्बन्धित व्यक्तिलाई हस्तान्तरण गरेको हो ।

एक महिनाको अवधिमा हराइएको २५ थान मोबाईल सम्बन्धित ब्यक्तिलाई हस्तान्तरण गरिएको जिल्ला प्रहरी कार्यालय चितवनका प्रहरी प्रमुख (एसपी) ओम प्रसाद अधिकारीले जानकारी दिए ।

आफ्ना हराएका तथा चोरी भएका मोबाइल भेटिएसंगै उनीहरुले प्रहरीको उच्च प्रशंसा गर्दै धन्यवाद समेत दिएका थिए । झन्डै तिन साता अगाडि पनि चितवन प्रहरीले १८ दिनको अवधिमा हराइरहेका ३१ थान मोबाईलहरु सम्बन्धि ब्यक्तिलाइ हस्तान्तरण गर्न सफल भएको थियो । पछिल्लो समय चितवन प्रहरीले आफ्नु सक्रियता बढाएसंँगै मोबाईल फेला पर्ने क्रम बढ्दै गएको छ ।