पत्रकार महासङ्घको निर्वाचन चैत २५ गते हुने

साझा पाना २०७७ चैत्र ४ गते १९:०९ मा प्रकाशित

सीता पौडेल,

काठमाडौं। नेपाल पत्रकार महासङ्घको निर्वाचन यही चैत २५ गते हुने भएको छ।महासङ्घको केन्द्रीय समितिको आजको बैठकले जिल्ला, प्रदेश, केन्द्र, प्रतिष्ठान र एशोसिएट संरचनाको निर्वाचन तीन हप्तापछि

एकै दिन गर्ने निर्णय गरेको हो ।

महासङ्घको केन्द्रीय साधारणसभा यही फागुन ४ र ५ गते सम्पन्न भइसकेको छ । चैत ७ गते सबै तहको निर्वाचन कार्यतालिका प्रकाशन हुने महासङ्घले जनाएको छ ।

निर्वाचनको मिति तय भएसँगै आजैदेखि पत्रकार कपिल काफ्लेका संयोजकत्वमा गठित निर्वाचन समितिले काम अघि बढाउने बताइएको छ ।

निर्वाचन समितिका सदस्यमा अधिवक्ता अरुण पौडेल, कपिलचन्द्र पोखरेल, कृष्णमाया भुसाल, हरेन्द्र राई र देवेन्द्र झा तथा सदस्य सचिवमा भक्तिराम घिमिरे रहेको महासङ्घले जनाएको छ ।

क्याटेगोरी : समाचार
ट्याग : ##चैत २५ गते हुने, ##पत्रकार महासङ्घको निर्वाचन