खाँदबारी, ४ चैत्र :

नेपाल रेडक्रस सोसाईटी संखुवासभालाई खाँदबारी नगरपालिकाले त्रिपाल हस्तान्तरण गरेको छ ।

खाँदबारी नगरापालिकाका प्रमुख मुरारीप्रसाद खतिवडाले नेपाल रेडक्रस सोसाईटी जिल्ला शाखा संखुवासभाका सभापति सरोज बज्राचार्यलाई मंगलबार एक कार्यक्रम बीच त्रिपाल हस्तान्तरण गर्नुभएको हो ।

झन्डै २ लाख बराबरको ८५ थान त्रिपाल हस्तान्तरण गर्नुहुदै नगर प्रमुख खतिवडाले जिल्लामा बिपत्त व्यवस्थापनमा अग्रणी स्थानमा रहेर काम गर्दै आएको संखुवासभा रेडक्रसलाई हरहिसाबमा जस्तोसुकै सहयोग गर्न खाँदबारी नगरपालिका तयार रहेको बताउनुभयो ।

त्रिपाल बुझ्दै नेपाल रेडक्रस संखुवासभा शाखाका सभापति बज्राचार्यले नजिकिदै गरेको मनसुनमा खाँदबारी नगरपालिकाबाट प्राप्त भएको त्रिपालले जिल्लामा आईपर्ने बिपत्तमा सहयोग पुग्ने र नगरले गरेको सहयोग प्रति आभार ब्यक्त गर्नुभयो ।

खाँदबारी नगरपालिका अन्तर्गत बन बातावरण तथा बिपत व्यवस्थापन समितिका संयोजक निरन्जन श्रेष्ठले नगरको बिपत कोष बाट थप रकम बिनियोजन गरि अन्य विपतको सामाग्रीहरु खरिद गरि नगरको ११ वटा नै बडा कार्यालयमा उपलब्ध गराउने प्रतिबद्दता ब्यक्त गर्नुभयो ।

क्याटेगोरी : विशेष, समाचार, स्थानीय
ट्याग : #खाँदबारी नगरपालिका, #नेपाल रेडक्रस सोसाईटी संखुवासभा, #संखुवासभा

---

---

---