सिराहाको लाहान नगरपालिकास्थित मालपोत कार्यालयमा बम विस्फोटमा गोईत समूहको संलग्नताको आशंका गरिएको छ । घटनास्थलमा तराई जनतान्त्रिक मुक्ति मोर्चा गोइत समूहको पर्चा भेटिएकाले यहि समूहले बिष्फोट गराएको हुन सक्ने सिराहाको प्रहरी प्रमुख शालिकराम शर्माले जानकारी दिएका छन ।

आइतबार दिउँसो भएको सो विष्फोटमा परी सात जना घाइते भएका छन् । घाइते मध्ये सेवाग्राही दिनेकुमार भण्डारीको अवस्था गम्भीर रहेको जिल्ला प्रहरी कार्यालय सिराहाका डीएसपी शालिग्राम शर्माले जानकारी दिए । घाइतेहरुको लहानको सप्तऋषि अस्पतालमा उपचार भइरहेको उनले बताए ।

आईतबार मालपोत कार्यलयभित्रै भएको बम विस्फोटमा परी ७ जना घाइते भएका छन् । जसमध्ये ३ जनाको अवस्था गम्भीर छ । घाइते भएकामा केही कर्मचारी र सेवाग्राही रहेको जिल्ला प्रशासन कार्यालय, सिरहाले जनाएको छ ।

घाइते सातै जनाको लहानस्थित अस्पतालमा अस्पतालमा उपचार भइरहेको छ । गम्भीर घाईतेलाई थप उपचारका लागि काठमाण्डौ ल्याउने तयारी भईरहेको सिरहाका सहायक प्रमुख जिल्ला अधिकारी कृष्णकुमार निरौलाले जानकारी दिएका छन ।

मालपोत कार्यालयको मुख्य कागजात राखिएको कोठामा बम बिस्फोटबाट भएको क्षतिको पूर्ण बिवरण अहिलेसम्म आईसकेको छैन ।

क्याटेगोरी : समाचार
ट्याग : #breaking, #सिराहामा बम विस्फोट

---

---

---