काठमाडौं । अब चालक अनुमतिपत्र ( लाइसेन्स ) ,परीक्षा उत्तीर्ण भएको महिना दिनमै प्राप्त गर्न सकिने भएको छ । यसका लागि यातायात व्यवस्था विभागले ठूलो संख्यामा कार्ड खरिद गर्ने प्रकृया अगाडि बढाएको छ ।  मास प्रिन्टरको अत्याधिक प्रयोग गरेर एकै दिन धैरै संख्यामा लाइसेन्स छापिने यातायात व्यवस्था विभागका निर्देशक रामचन्द्र पौडेलले  बताएका छन् । निर्देशक पौडेलका अनुसार विभागले गत वर्ष खरीद गरेको ‘मास प्रिन्टर’ को क्षमता एक घण्टामा ४५० अनुमतिपत्र छाप्न सक्छ । नयाँ कार्ड आउना साथ उक्त प्रिन्टरलाई आवश्यत्तक्तका आधारमा बढी भन्दा बढी प्रयोगमा ल्याइने योजना अनुसार विभाग अगाडि बढेको हुँदा परिक्षा उत्रिर्ण भएकालाई महिना दिनमै लाइसेन्स उपलब्ध गराउन सकिने सम्भावना रहेको उनको भनाइ छ ।
“ यो योजना अनुसार कार्य गर्दा पाँच लाखभन्दा बढी सेवाग्राही भएता पनि सरदर ३० प्रतिशत मात्र परिक्षामा पास हुने र यस मास प्रिन्टरको क्षमता धेरै भएको हुँदा महिना दिनमै लाइसेन्स उपलब्ध गराउन सकिने कुरामा आफु ढुक्क  छु  “ । उनले भने ।

कोरेना भाइस (कोभिड–१९) का कारण झण्डै १० महिनादेखि अवरुद्ध नयाँ लाइसेन्स लिन रोकिएको कार्यलाई सहज अलि सहज भएसँगै गत पुसमा पुनः खुलाएको हो । पुस यता अनुमतिपत्रका लागि अनलाइन माध्यममार्फत देशभरबाट पाँच लाखभन्दा बढी सेवाग्राहीले आवेदन दिइसकेको विभागले जनाएको छ ।

थप समाचार

महोत्तरीकी प्रतिभा प्रतिष्ठा आचार्य मिस नेपालको अन्तिम २४ मा

एम्बुलेन्सबाट निकालेर घाइते मारेको अभियोगमा एमाले पूर्वसांसद कोइरीलाई ५ वर्ष…

पूर्वाधार विज्ञ थापा त्रिवि सेवा आयोगको अध्यक्षमा नियुक्त

देशभर मनसुनी वायुको प्रभाव, यी पाँच प्रदेशमा भारी वर्षाको सम्भावना